Versets bíblics populars de Jọn 14

Comparteix

“Deinma à nwọse ọ́ pịrịmẹ, ị̀ya deinma à nwọse ọ́ pịrịmẹ. Tomonikiri mị pịrị ọkụ à nwọse anị se ọ́ pịrịkẹ. Ọ́ ḅụḅalaḅala nyana ma, ó kuḅie pịkị lọkọma, ọ́ ḅalafama.

Jizọs Ḅe ọ̀ pẹkẹrẹmẹ, “Ị̀rị̀ anị ateli mị-ẹ, karakaraye mị na-ẹ, pịkị ḍumo mị na-ẹ; ị̀ ḅụ ḅọrọka se mun Ḍaḅọ Ḅe laḅịaḅọ ofori-ẹ.

Jizọs Ḅe nwọse ini ḅẹmẹ, “Ọ́ ḅụḅalaḅala nyana ma, ó kuḅie pịkị lọkọma. Ọ́ Tamụnọ Ḅe ḅereni, ọ́ pịkị Ị̀rị̀ sọ ḅereni.

Ḅarachụaḅọ Ḅe, Fịafịa Tẹmẹ Ḅe, Ḍaḅọ Ḅe ị̀ya ẹrẹ ḅụ se fịrịmaḅịa ḅọ ḅe, ò yegoyegoye nwọse ó ḍieḅịa, pịkị ọ́ mịẹse à ḍuko ọ́ pịrịsaye mamgba nwọse ḅiekoromaḅịa.

“Ị̀ya olokoma ọkịḅọ goyegoye pịkị àrị ḍukoye mịẹḅọ mịẹḅọ, ori mị ị̀ ḅẹlẹmaḅọ ḅe-ẹ. Ị̀ Ḍaḅe iniḅọ ḅẹlẹmaḅịa, nwọ ị̀ ḅẹlẹmaḅọ goyegoye ị̀rị̀ sọnị iniḅọ ḅẹlẹma se ị̀ ḅụ ḍieḅelema iniḅọ pịrịḅịa.”

À Ḍaḅọ Ḅe ḅara ḅiḅịa, se ò jịn Ḅarachụaḅọ nwọ seni ọ́ fịrịmaḅịa, anị ómine nasime gbasoḅịaḅọ Ḅe. Ori anị Fịafịa Tẹmẹ Ḅe-ẹ, anị Tamụnọ Ḅe ḅụ karakaraye mị nwọ ḍieḅelemarịḅọ Ḅe. Tomonikiri mị ineda ori ọkị-ẹkẹ, anịatịḅị anị ineda ori ọrị anịkanịka ò nemi ẹkẹ. Ọkụma ómine ò nemimẹ, anịatịḅị ori ómine na omi-ẹ pịkị ọ́mịna ḅie angamẹ.

À pịkị ómine ị̀ya ẹrẹ ḅụ ḅọrọ se ḅiye goyegoye nwọ mịẹḅịa, mịẹse Ḍaḅọ Ḅe boma mị Tọkụ Ḅe ḅụ ḅọrọ ḅelepakaḅịa ḅara. Ị̀ya ẹrẹ ḅụ ó nemikase ye ḅimẹ ḅẹḅẹ, à mịẹ ọ́ pịrịḅịa.

“Ómine ị̀ ḅẹlẹmamẹ ḅẹḅẹ, ómine ị̀ya olokoma kokoḅịa.

Tọn-a iḅi-a ḅie ị̀ Ḍa warị mị ḅie omi-ẹ, à mun nyọ karakarama ọ́ pịrị-ẹ mun-aḅẹ. Mịn mị mgbọkụ à ḍuko ọ́ pịrị ẹkẹ, anị nemikase ọkọ paka ẹka ọkụma.

Se à somun nyọ karakarama ọ́ pịrị so sịkị, à vinpịkị ḅo ómine ọkị ị̀ ḅụ pịrịḅịa, mịẹse à sime anga ó simeḅịa ḅara.

Tọmọs ḅe nwọse ọ̀ ḅẹmẹ, “Nyanaḅọ, ị́ mun-arị nyọ mị wa nemikẹ; nde wa ineda ḅọrọ mun anịanga laḅịa ateli mị nwọ nemiḅịa ọkụ?”