Versets bíblics populars de Aniroomi 6

Comparteix

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Asị ụ kụkụ zẹẹ ka ịvị ọ̀ nyị ụkata ị́rẹsụ awụ nịnị! Wáa yẹ nịnị ka wẹ yị kụkụ yà ịnị ụvọ ọda, ịnị ụvọ ayamva Ohomorihi ụ yà nịnị nị.

A mẹ mẹ̀ ọyịhwọzenyi yị, vị ọ yà anka ẹyịrị Ikirisiti o dudu wusu, dị e ne ẹyịrị ọ nị. Agụvị avọọ anka ụ́kata Ada ayị ana nyị ụbanyị mẹ̀ ha Ikirisiti hụụnị isu, avọọ ẹ́yị mẹ̀ rẹ vaa nyị ụhwẹ dị ị kụkụ yàra, dị yaa mẹ ẹhẹ ọwọọwa nị.

Asị a nyị ọchẹngụ awụ nịnị ọnyọọnyị ọnị ụ zẹẹ ka wa sị na mẹ̀ ebira odivi nịnị! Ama hụrẹ ẹngụ awụ nịnị ụvọ yị Ohomorihi anka ọza anaa sị ha hụụnị isu dị ọ kụkụ yàra! Hụrẹ ọchẹngụ awụ nịnị ụvọ yọ, dị waa sịị mẹ̀ ebira ana vọrọ!

Yâ yẹ ka ebira ayị ọkụkụ ọnịrị Ijeesu a kanyị za ọchị apavahị nị. Â vavọọ mẹ, agụvị dị wụ ebira ayị eneē sì ka ọnị ọ̀ọ mẹ ịvị. Ọnọọ vaa ka asị ị kụkụ vị ozi ahụ yị ịvị.

Ẹwụ nịnị ọ̀ rẹ vavọọ re ẹngụ awụ nịnị ka ịnị ịrẹyị ịvị ọyịmẹ̀, oku ụ vị nịnị nị! Agụvị ka ẹwụrị Ijeesu Ikirisiti ọ sị vị ọnya nịnị, Ohomorihi ụ kụkụ yàra yị nịnị nị.

Sị ị vaa kà booro aanị? Yáá zụ kà ka ya yịị mẹ ịvị agụvị dị Ohomorihi ọ̀ yịị vayị ayịị hu avọọ pooro? Asị Ohomorihi zẹẹ! Àa vị ịrẹyị ịvị ọyịmẹ̀ yọ, vị ị sị mẹẹ anka oku ene sú avọọ nị. Yàa vavọọ wusu, yáá kụkụ nyẹngụ aa yịị mẹ ịvị?

Wáa yẹ nịnị ka ọza ọnị ụ wàaa hụrẹ ẹngụ awụ nịnịị ụvọ yị anka ọrịhị, áa nyị ka waa mẹ̀ ịsa ọnị ọ̀ọ kà. Ọza ọnị ụ wàa vavọọ aa wụ́ ịrẹyị anị, ọrịhị ọza ọnọọ ụ vị nịnị nị. Wa zụ hụrẹ ẹngụ awụ ụvọ yị ịvị, ọnị ọdịrẹma anị vị isu; wa rẹ nyẹngụ aa mẹ ịsị Ohomorihi ọ̀ọ kà, ana vaa mẹ ka Ohomorihi ọ̀ jị ịhị wụ nịnị.

Wâ vịdị vị ọrịhị ịvị nịnị da. Ama yáa kụ́ Ohomorihi avọ, agụvị ka wa va raà sị avaba ayị awụ nịnị dọ ịrẹyị ana aa sịị zụ̀ wụ nịnị. Ohomorihi ọ sị wụ nịnị dọ tịtẹ hụụnị ụvọ ịvị; wa kụkụ sị vara ozi ahụ Ohomorihi nịnị, dị ụ kụkụ aa mẹ̀ ịsa ana vọrọ nị.