Versets bíblics populars de Aniroomi 4

Comparteix

Ọ yị mẹ ayị ẹẹva, dị ọ̀ọ jị ịrẹyị Ohomorihi ịrẹka. Agụvị ka ộ sị ayị tụra Ohomorihi, ộ jẹẹ geri-geri, dị aa sị ụgaa yị Ohomorihi nị. Ộ yẹ ịnị ayị anị ẹtẹẹtẹrẹ ka ịsa oni Ohomorihi wo oto anị, ọ zụ mẹ̀ ẹ.

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

Ọnị ọ sị ọọ chire aza ụvọ ka ẹ̀ wụ ọọ agụvị ịvị ẹnẹ ẹyị mẹ nị. Dị Ohomorihi rẹ ha a hụụnị isu ka ọ̀ zụ jị ịhị yị nị.

Abụrahamị ộ sị ayị tụra Ohomorihi, dị aa yịị tụra eyi ịsa ana ahịka àa ka ọza ọ̀ kà, ẹ yị kụkụ vọrọ ka ọ̀ọ tụra eyi anị nị. Ịzẹyịza, dị ọ vị ada anẹkụra ọrụrụ-ọrụrụ nị, anka a mẹ̀ vịdị kà a tịtẹ ka: Ezi ewu vaa rụrụ ẹtẹẹtẹrẹ.

Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị.

Ọ kà, Aza oni Ohomorihi raà vagu ịnị ịsa odivi ẹnẹ ẹ mẹ, dị ọ raà sị ịsa kú ịvị ẹnịnị, vaa daa jẹ. Aza oni Ohomorihi ọ̀ yị za ịrịka tụ́ ịnị ọnịvị vaa daa jẹ.

Si Iwe Ohomorihi kà? Ọ kà, Abụrahamị ọ́ sị ayị tụra Ohomorihi, agụvị avọọ dị Ohomorihi za a ịrịka tụ́ ịnị ọnịrẹyịzẹyịza nị.