Versets bíblics populars de Imatiwu 28

Comparteix

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị. Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Dị anggẹẹrị ọnọọ kà a yị anẹẹ ẹnẹẹ ka, “Asị u rè hí angwa nịnị! Mâ yẹ ka Ijeesu anaa kanyị za apavahị u wee sì nịnị nị. Ọ yị kụkụ yà ịzẹnị, agụvị ka a sị ọọ ha kwẹẹtẹ, anka ọ mẹ̀ vịdị kà a. Vẹ ịzẹnị, di u we ve re ịzọọ vịdị yà nịnị!

Dị Ijeesu kà a yị wa ka, “Asị u hí angwa nịnị! Na kà a yị ẹyịnyara amị nịnị ka ẹ̀ vara gẹrị ẹmị Ígariri, ka e vee re mi ịzọọ!”

Dị ohirẹsụ ẹbanyị irehi Ohomorihi ne tù ọdọvịdị nịnị, dị ẹ gẹ eyi, dị ẹ sị ẹkẹhị ọbanyị yị oserẹtẹ ẹnẹẹ nị. Dị ẹ ka, “Kà a ka ụ màa sụ ara ịrahụ, ezirẹma anị vẹ, di e ve yi oku anị nị! Ịgọvọnọ ọ̀ọ wụ́ ọọ, i vee pe e kà ịrẹyị, dị ụ wẹ yị nyị ịrẹyị nịnị!” Dị oserẹtẹ ẹnẹẹ dọ ẹkẹhị ọnọọ nị; dị ẹ mẹ̀ ịsaa kà yị wa nị. Aniju nịnị ẹ sị enube ọnọọ gara hi ẹtẹ zịịzị pooro ve tù ajịnị.