Versets bíblics populars de Imatiwu 19

Comparteix

Ijeesu ô re wa, dị ọ ka ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.

Ẹ yị kụkụ vị ẹẹva ẹ vị, ama ẹngụ ọnya. Agụvị avọọ, ịsị Ohomorihi sị vabẹ, asị a kụkụ ha a hi!”

Di o tụ́ wa ohi, dị ọ ka, “Aanịka wẹẹ̀ yị kà a ini Iwe Ohomorihi nịnị ka hụrẹ ụmọrụmọ ọza ana mẹ ọza, vị ana mẹ wa ọnọrụ ọnịrị ọnẹẹ?” Dị Ijeesu ka, “Agụvị avọọ dị ọnọrụ hụụ ịdị ada anị ọnịrị ọnyị anị, dị ọnịrị ose anị vabẹ, dị ẹnị ẹyịva kụkụ sị vara ẹngụ ọnya.

Ama dị Ijeesu kà a yị wa ka, “Navọ ezi eweyi nịnị ẹ̀ vẹ ịda amị, asị ụ dọ wa oro, agụvị ka ẹngụ ẹnịnị ẹ nyị ịzị Ada ayị ẹbẹẹba yà aa mẹ ịjọva nị.”

Ama aza ọrụrụ-ọrụrụ ana vị ọdọvịdị booro aanị, ẹ vaa vị ọdịrẹma; dị aza ana vị ọdịrẹma na vị ọdọvịdị.”

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Dị Ijeesu kà a yọ ka, “Wèe sì ka wa gụ, na ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịda Ohomorihi. Dị ụ wa vẹ, dị ụ wa vaa dụ mịị zịịzị!”

Dị Ijeesu kà a yọ ka, “Sị ẹ vẹ dị waa hị́ mị ‘Ọga ọyịza’? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ. Ama wèe sì ka wa yàra pooro zịna-zịna, sị ụvọ za ọda!”

Dị ma rẹ kà a wụ nịnị ka: Ộ tụ́ akanya yị opisa ka ọ̀ zụ ngụ ịzị Ohomorihi yà aa mẹ ịjọva huna ọ mẹ̀ tụ́ akanya ka ịnyaakụmị ọ̀ ngụ ịnị uhwohwo ọrịhị na para hu.”

Dị ma kà a wụ nịnị, ọza ene èe yi ose anị tịtẹ, ẹ̀ yị vị agụvị ịrẹkọyịsẹ, dị ọ na nyị ọsa nị, ộ sẹ̀ ịrẹka. Ọza ana àa nyị ọnẹẹ ene e yi tịtẹ, ọnị ọ rẹ sẹ̀ ịrẹka.”

Ịjọnọọ dị Ijeesu kà a yị ezirẹma anị ka, “Ịzẹyịza m maa kà a wụ nịnị nị, ọ vaa daa tụ́ akanyaa yị ọnyẹkẹhị nịnị kẹnẹ, dị ẹ̀ zụ ngụ ịzị Ada ayị ẹbẹẹba yà aa mẹ ịjọva.