Versets bíblics populars de Imatiwu 12

Comparteix

Ama dị ma kà a wụ nịnị, avaba ịrẹyị kẹnẹ-kẹnẹ ọnị ọza ọ̀ọ kà, ọ vaa hụ agụvị avọọ kụ́ irenu anị ịnị ẹkụhị ọkarẹyị. Ịrẹyị awụ a vaa sị jị ịhị yị wụ nị, ọnị a rẹ vaa sị jị ịvị yị wụ nị.”

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Agụvị avọọ dị ma kà a wụ nịnị, ịvị tụra ịvị ọnịrị ụhụ ọnị ọza ọ̀ọ kụ̀ Ohomorihi, a vaa vagu ọọ ịnị anị. Ama ọza ana àa kụ̀ Ụhwẹ Ọnịnị ụhụ, ọza ọyị vaa vagu ọọ.

“Wàa ka wa nyị ẹtụtụ ozoza, ụ hị́ ọchị ozoza! Ama wàa hị́ ọchị ọnị ụkụ za, ẹtụtụ odivi ụ waa há nị. Ẹtụtụ ọchị a sịị yẹ ẹ nị.