Versets bíblics populars de Iruuku 7

Comparteix

Dị ma kà a wụ, ịvị anị ana rụrụ a raà vagu ọ ịnị anị. Ịrẹyị amị ọnọọ maanị sì aanị, ọ́ sị zụ̀ ka a raà vagu ọọ ịnị ịvị anị. Ọza ana àa vagu chee, vị ene sì ịrẹyị ọza chee.” Dị Ijeesu kà a yị ọnẹẹ ọnọọ ka, “Ma raà vagu wu ịnị ịvị awụ.”

Dị Ijeesu kà a yị ọnẹẹ ọnọọ ka, “Ọnẹẹ ọnọnị, ẹdọwụ awụ ọ sị wụ dọ há; wa na ịnị ẹngwọọrọ!”

Ộ na jẹẹ ịrẹma Ijeesu, dị ọ jẹẹ ịpa ahụ anị, di ee sụ ùnè, dị aa ká ẹgọọ kú Ijeesu ahụ nị. Ọ raa sị ẹyị ịrẹsụ anịị nyee ẹgọ ọnọọ, di ee kú ahụ Ijeesu irenu, di aa và eturare ọnọọ hi Ijeesu ahụ nị.

Mẹ yị rẹ yà ọza ana a vọrọ ka ọ̀ vẹ ịdị awụ. Mị mẹ ọda kẹnẹ, ka ẹngụ ozi ahụ amị vaa ta. Ẹ ma rẹ nyị ọza ana nyị ọda amị, dị ẹmị rẹ nyị isoja nịnị hi akẹtẹ ọnị mị nyị ọda anị nị. Màa mẹ ọda yị ọnya ka ọ̀ na, vi aa na nị. Màa rẹ mẹ ọda yị ọsa ka ọ̀ vẹ, vị ọ raa vẹ nị. Màa ka ẹ yị ozi ahụ amị ka ọ̀ maanị mẹ, avọọ ọ màa mẹ nị.” Ịjị Ijeesu maanị wụ́, ô hí ọọ irenu, dị ọ vara eyi, dị ọ kà a yị aza ana aa dụ ọọ ịrẹma, dị ọ ka, “Mẹ ẹ̀ yị maanị re ọza ana maanị sị ayị tụra mị da; ịzẹyịza, m maa kà a wụ nịnị nị, mẹ yị hyakụ re ẹngụ ẹdọwụ ọnọnị ịdị Anisirẹrị nịnị.”

Ụmẹ ọnọọ gẹdẹ-gẹdẹ, Ijeesu ộ mẹ̀ ụkụ ọrụrụ-ọrụrụ yị aza; ộ dụ ụhwẹ echu jịnẹ hụụnị ẹngụ aza, dị ọ rẹ há eyi ogweyi nịnị nị. Dị ọ tụ́ ọnụtụ ẹnẹẹ ohi, dị ọ kà a yị wa ka, “Na kà a yị Ịjọọnụ nịnị ịsị u re ọnịrị ịsị ụ wụ́ nịnị! Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkwọbanyị nịnị ụkụ, ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu, dị a raa kà enube ọyịzaa yị onosiye nịnị nị.