Versets bíblics populars de Iruuku 5

Comparteix

Ịjị ọ sị ịrẹyị anị kà ta, dị ọ kà a yị Ịsayịmọnị ka, “Sị ẹpa awụ nọ ịzị ẹ nyịnẹ avọọ, di u we ne ọha awụ ngụ enyi, ka u vee re ivovoo za nịnị!”

Dị Ịsayịmọnị ka, “Nda, hụrẹ ịrahụ ị hụrẹ aa mẹ akanya, dị ẹ̀ yị nyị ịsị ị za nọ! Ama anka ụ mẹ̀ kà a, jẹẹ me ne ọha amị ngụ enyi.” Ẹnịnị ê ne ọha ẹnịnị ngụ enyi, dị ẹ hara ivovo tawụ-tawụ, dị ọha ẹnịnị aa vaa na nị.

Ama dị Ijeesu nọ aha ọnya ịzị aza ẹ̀ yị yà, dị ọ na mẹ̀ aduwa nị.

Agụvị avọọ, mẹ yị vẹ ka ma hị́ ọnịrẹyịzẹyịza, ama mâ vẹ ka ma va hị́ ọnịvị nịnị ka è ro ịnẹ varẹma.”

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

Dị Ijeesu tụ́ wa ohi, dị ọ ka, “Ịsa ọ̀ yị zị ọza, o mē sì ọmahọnọ. Ama ọza ọnị ịsa aa zị kẹnẹ, oō sì ọmahọnọ nị.

Dị ẹ sị ẹpa ẹnịnị vẹ ụtọ irehu, dị ẹ navọ avaba anị tụ́ ịzọọ, dị ẹyaa dụ Ijeesu ịrẹma nị.

Ẹkụhị ọnya, Ijeesu ộ yà ịnị ẹkụra ọnya; â nyị ọnịkụ ọbanyị ọnya ịnị ẹkụra ọnọọ. O mè re Ijeesu, dị ọ tana tụra ẹtẹ ọ́vịdị anị, dị aa dá ịpẹẹ yọ nị. Dị ọ ka, “Ananyị yị, wèe sì, wa nyẹngụ mẹ ụkụ amịị mị.” Dị Ijeesu tana ụvọ anị, dị ọ sị kanyị ọọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị ọnọọ wụsẹ ta hụụnị ẹngụ anị nị.

Ịrẹyị Ijeesu vị anaa yịị ngụ ịrẹyịị hu avọọ. Dị aza ọrụrụ-ọrụrụ vẹ ka ẹnị ẹ̀ va wụ́ ịrẹyị anị, dị ọ̀ rẹ mẹ ụkụ ẹnịnị yị ẹnị nị.