Versets bíblics populars de Ọyịkụra 5

Comparteix

Ịjị ẹ vavọọ raà kà ịrẹyị zụ̀ azọkụ ẹnẹẹ dị Imosiisi ọnịrị Eerọnị zị ne tù Ihwarawo nị. Dị ẹ ka, “Ẹnẹyịmavara ana vị Ohomorihi ana Anisirẹrị aa hẹkẹ ka ẹnị ẹ̀ kà a yọ ka ọ̀ hụrẹ aza anị ụvọ ka â nyị eche anị ẹnị ẹ yaa naa rị ịnị ụnọmị.”

Ọ kà ọnị mẹ̀ hụrẹ nọ ịda Ihwarawo na kà ịrẹyị ọnị ọ ka ọnị ọ̀ kà yọ, ọ vana hụrẹ aa sị eyi aza ẹnẹnịị re ịrẹyị nị. Ọ kà ọ yị va ka ka ọnị aa dọ waa tụ́ vụrụ-vụrụ.”

Di Imosiisi ve ne tù Ẹnẹyịmavara dị ọ ka, “O! Ẹnẹyịmavara, sị ẹ vẹ dị ụ maanị kụ́ ịrẹyị ve tù aza ẹnẹnị aanị? Sị ẹ daka vẹ dị ụ tụ́ ọnị vẹ ịzẹnị?

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

Ama asị ẹ zẹẹ ka ọpa ịrịka ụvụrọkụ ẹnị ẹẹ̄ vịdịị jị ọ̀ jị ha. Ọ kà onuworo ẹ vị nị. Ka uworo ọ mẹ ka ee nowu ka à navọ dị ẹnị ẹ̀ na mẹ̀ ịsọvọ yị Ohomorihi ẹnịnị nị. Ọ kà ẹ̀ dà tụ́ ịnị ụkọrọ ẹnịnị yị wa vị ẹ̀ẹ mẹ̀ ụkọrọ pooro kẹnẹ. Ọ rẹ ka asị ẹ wụ́ ịrẹka ireche ẹnị ẹ yaa kụ́.”