Kà ẹ yị Anisirẹrị ka ẹ̀ sị angwẹ ẹtụtụ ọchị ana aā hị́ orivi ene zoza dị ẹ̀ sị va yị wụ. Ọnị ụ vaa sị tụ́ ini ozotupa ọnọọ di u we sii hura nị. Dọ wa angwẹ ọnọọ agụvị di we hu ịra tụ́ ịnị ajẹngụ dị ọ̀ọ za pooro. Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.