Versets bíblics populars de Ọyịkụra 20

Comparteix

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị. Wẹ yị nyayịnẹ mẹ ori ọnyọọnyị. Ẹmị ịnya kẹnẹ ụ vaa hẹkẹ nị.

Wẹ yị nyayịnẹ na bẹ ịsa vene ịsa ọnyọọnyị dị waa hị́ ọ ori. Asị ụ na bẹ ịsa vene ịsa ọnyọọnyị ana yà ẹbẹẹba, àa vị ịsa ana yà iruvo ẹtẹ. Asị ụ rẹ na bẹ ịsa vene ịsa ọnyọọnyị ana yà ini enyi. Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

Waā za ido ẹkụhị ụhwọtụ. Yẹ ka ẹkụhị irenyi ọ vị yị Ohomorihi nị.

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

Ịnị akakana ẹkụhị ịhịnọnyị mẹ avaba ụkọrọ ọnị ụ wàa mẹ. Ịhị ẹ tụ́ ọ ẹkụhị ịhịmba vị ẹnẹ ẹmị Ẹnẹyịmavara nyị ka ọ̀ vị ẹkụhị ụhwọtụ. Ịhị ọnọọ wẹ yị nyayịnẹ mẹ̀ ụkọrọ ọnyọọnyị Ẹwụ ụvọta ọ yị nyayịnẹ mẹ. Ozi ewu ana vị ọnọrụ àa vị ọnẹẹ ẹ yị nyayịnẹ mẹ̀ ụkọrọ ịhị ọnọọ. Ozi ahụ awụ ọnịrị ọzọga ene hi ịda awụ ẹ yị va nyayịnẹẹ mẹ̀ ụkọrọ ọnyọọnyị ịhị ọnọọ.

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

Wẹ yị nyayịnẹ dọ ivenu ireche kú ọza.

Wẹ yị nyayịnẹ sẹ̀ ịrẹka.

Wẹ yị nyayịnẹ wụ̀ ọza.

Wẹ yị nyayịnẹ yị oyi.