Versets bíblics populars de ĀCƐ URÓM 4

Comparteix

Ébrahām yɔ̄ gē kpɔ́tūce kpɔ́, ɔtū kú nū í kē bɛ́ɛpa lɛyíkwu okónu nɛ̄ Ɔwɔicō ce lɛ ɔ́ ā ŋ́, amáŋ ɔtū nōó le ce Ɔwɔicō ā lɔfú tū ɔ̄ iyē, anɔ́ɔ ó le mafú ka Ɔwɔicō wɛ idáagó á. Ó kē jé kpɔ́cíí ka Ɔwɔicō ɔ́ɔ géē yá ɔdā nōó cokónu nū ā glá.

Ɛ́gɛ́nɛ̄ é tá ɔ̄ ipú ɔkpá kú ɛlɔ̄ɔwɔicō kahíníī, “N le yá ká ā kwú pīya ádā kú aéwo alɛwa.” Ókónu nēé ce ā lɔhi ohígbū ka Ɔwɔicō nɛ̄ Ébrahām cɛ̄ɛ̄lā nū ā, wɛ Ɔwɔicō nōo gē kpó ācɛ nēe pɛ́ kwú ā héyī ŋmá ɔlékwū, nōo klla ī je ɔ́da ká ɔdā nōó yɔ̄ jééjéē ɛ́ɛ́ ŋ mā kéē le yɔ̄ ā.

É kwú ɔ̄ ú tá ācɛ abɔ̄ kéē lɛ ɔ́ ŋmó ohígbū íne nɛ̄ alɔ bīya ā, anɔ́ɔ Ɔwɔicō kē kwú ɔ̄ ú héyī ŋmá ɔlékwū, o yá ɛ́ɛ́ kóō lɛ ɛpɔ̄hi hɛ́ lɛ alɔ.

Eko nɛ̄ Ɔwɔicō le okónu ce le Ébrahām ka ɔ́ɔ géē je pīya ádā kú éwo alɛwa ā, Ébrahām cɛ̄ɛ̄lā nū yɔ̄ ī kpɔ́tūce nááná nōó lɛ ɔdā nōó í kpɔ́tūce ɔ́ ŋ́ mā. Ɔwɔicō klla da ɔ́ kahíníī, “Ayááyí kú uwɔ géē lɛwa bɛ̄ɛka aínyílɔ́wɔ ā.”

Ɔ́ɔmā yá ɛ́ɛ́ nɛ̄ okónu nɛ̄ Ɔwɔicō ce lɛ Ébrahām ā ŋmá lɛ ɛlā Ɔwɔicō nōó cɛ̄ ā n. É géē jé okónu nɛ̄ Ɔwɔicō ce ā ŋmá lɛ ɛhi alahá nōó je lɛ odúúdú ayááyí kú Ébrahām ā. Ó wɛ ācɛ nēe lɛyítáajɛ lɛ íne ā ōfōōfū uwā ŋ́, amáŋ ó je lɛ ācɛ nēe cɛ̄ ɛ́gɛ́nɛ̄ Ébrahām cɛ̄ ā.

“Ācɛ nēé kwú ɔdōbɔ̄bí nēé yá í yá uwā ɛhi gwéeyē, ācɛ nēé kwú íne nēé bīya ā í yá uwā ɛhi ā gwéeyē. Ɔ̄cɛ nɛ̄ Óndú ā í tá íne nōó bīya ā tāajɛ ŋ́ mā gwéeyē.”

Ohígbū kéē tá ipú ɛlɔ̄ɔwɔicō kahíníī, “Ébrahām kē cɛ̄ɛ̄lā Ɔwɔicō, é kē lɛ ɔ́ katú ipú ācɛ nɛ̄ Ɔwɔicō hɛ́pɔ̄hi lɛ uwá ā”.