Versets bíblics populars de ĀCƐ URÓM 2

Comparteix

Amáŋ aá nēe gē yá ɔdā ékpó piíí nɛ̄ ācɛ ɔhá yá nɛ̄ aá ŋmá uwā okónu ā, í gáā kwu ŋmá ɛpɔ̄ nɛ̄ Ɔwɔicō í ka tū aá ā glá ŋ́. Kɛ̄ɛ ka aá ī leyī gwū Ɔwɔicō bónū ohígbū kóō gbonɛnɛ nɛ̄ɛ̄nɛ̄hi, ó kē yá aá italā ɔkwɔɔkwu nɛ̄ aá le ɔdōbɔ̄bí yá ŋ́. Ó gē cībū aá gbojī ajɛ ohígbū ka ó yɔ̄ ī yá ká aá le pīyabɔ̄ ŋmá íne ō bīya.

Aá nēe ī ŋmó ācɛ ɔhá okónu ā, Ɛdɔ ɔ̄cɛ dúú nɛ̄ aá wɛ, á lɛ ɔdā ō lɛ abɔ̄ bá ɔ̄ ŋ́. Ohígbū ka eko nɛ̄ aá le ācɛ ŋmokónu, anɔ́ɔ aá abɔ̄yī aá kē le ɔdōbɔ̄bí ékpó piíí nēé yá nɛ̄ aá ŋmó uwā okónu ɔ́ɔmā yá, aá yɔ̄ ī ŋmó iyī aá okónu dúú.

Ohígbū ka Ɔwɔicō í gē má eyīgoo kú ɔ̄cɛ ŋ́.

Ohígbū ka ó wɛ ācɛ nēe jé íne ā nɛ̄ Ɔwɔicō je keé wɛ ācɛ okpaakpa ā ŋ́, amáŋ ācɛ nēe bī íne ā le yúklɔ́ ā nēé hɛ́pɔ̄hi lɛ uwá á.

Ɛ́gɛ́nɛ̄ ɔnyɔɔnyɛ yúklɔ́ lɛ ā nɛ̄ Ɔwɔicō gáā cíla anú ulé á.

Amáŋ Ɔwɔicō géē yá ācɛ nēe gē tíne ō yá ɔdā nōo í bī itene gé lɛ iyī uwá ōfōōfū uwā, nēe klla gē tá kéē yá ɔdā nōo lɔhi, o yá ɛ́ɛ́ kéē yá ɔdōbɔ̄bí nēé tíne ō yá piyóó ā italā nɛ̄ɛ̄nɛ̄hi.

Amáŋ aá lɛ ikpɛ̄yí olɔfú, abɔ̄ nōó i lɛ ā Ɔwɔicō í hɛ́pɔ̄ ká aá, géē yá aá italā olɔnɔ ɛ̄cī nōó géē cɔ̄nū í hɛ́pɔ̄ kú alɛɛcɛ dóódu ohígbū íne nēé bīya ā.