Versets bíblics populars de ĀCƐ URÓM 15

Comparteix

N gē gbɔ̄ɔkɔ lɛ Ɔwɔicō nōo ī yá kú ālɔ̄ leyīce ā, kóō yá kú aá gwéeyē nɛ̄ɛ̄nɛ̄hi kú aá lɛ ɛbɔ́ lɛ dúúdú, o ŋmá lɛ o cɛ̄ɛ̄lā Ɔwɔicō, cɛ́ɛ́ kú ɔfú kú Alelékwū Ihɔ ā kóō cɛ̄ lɛ aá lɛ eyīyōce.

Ɛjɛ̄ɛ̄jī ɔdā dóódu nēé tá tū ipú ɔkpá kú ɛlɔ̄ɔwɔicō ā wɛ ɔdā ō bī nwū alɔ ɛlā, cɛ́ɛ́ ká ālɔ̄ lɛ eyīyōce lɛ ŋmá lɛ ɔtū ō lé mɛ́mla ɔtū ō tū kwu ɔtū nɛ̄ ɔkpá kú ɛlɔ̄ɔwɔicō ā ī je lɛ alɔ ā.

N gē gbɔ̄ɔkɔ lɛ Ɔwɔicō nōo ī yá kú ālɔ̄ lɛ ɔtōōlé ā mɛ́mla o tá ɔ̄cɛ ɔtū kwu ɔtū ā kóō yá kú ɔnyɔɔnyɛ kú aá kóō yá ɛdɔ ucē kú Ujísɔ̄si Ohɔ́nyɛtá lɛyíkwu aɔ́mpa aá, cɛ́ɛ́ ká odúúdú aá kéē bī ɔkɔ ékpónú le wóófu Ɔwɔicō mɛ́mla Ádā kú Óndú alɔ Ujísɔ̄si Ohɔ́nyɛtá.

Aá mīyɛ ɔ́mpa aá wā ipú ɔtū kú aá ɛ́gɛ́nɛ̄ Ohɔ́nyɛtá mīyɛ aá ā, cɛ́ɛ́ ká ācɛ kéē cɛ̄tra Ɔwɔicō.

Ɔnyɔɔnyɛ kú alɔ kóō yá ɔdā nōo í lɔhi lɛ ɔ́mpā nū mɛ́mla o yá ɔdā nōo he ɔ́ ɔtū.