Versets bíblics populars de OHÚTU 8

Comparteix

Eko nɛ̄ Ɔwɔicō le ocu kú ɛya oyi ɔlá dúúdú nyā pó ā, ó he ɔ́ ɔtū nɛ̄hi, anɔ́ɔ ó ka ipú ɔtū kú nū kahíníī, “Ń gaá tá okónu lɛ ɛcɛ ohígbū alɛɛcɛ igbɔhá gbóógbóō ɛ́ɛ́ gɛ ŋ́. Ohígbū ka n jé ka ɛlá obɔ̄bí nēé gē gbo ipú ɔtū kú uwā ā eko dóódu ŋmá eko ɔyípɛ̄ kú uwā á. Ń gaá je ɔdā oyēeyī yíífi igbɔhá ɛ́gɛ́nɛ̄ n yá eko nyā ā ɛ́ɛ́ gɛ ŋ́. Ɛ́gɛ́nɛ̄ ɛcɛ géē yɔ̄ í kwu lɛ ā, eko nēé ī nyi ɔdɛ̄hɔ̄ géē yɔ̄, eko nēé géē cē ɔdɛ̄hɔ̄ kē í yɔ̄. Eko ofū mɛ́mla eko iye okwulá géē yɔ̄, ɔgwā mɛ́mla ɔnɔ̄ kē géē yɔ̄. Ɔlɛ́ɛnɔ mɛ́mla otú kē géē yɔ̄.”

Unówa le ede gwó lɛ Óndú ā, anɔ́ɔ ó kwú éyééye kú aɛ́bɛ́ mɛ́mla aígbáanɔ nēe le yēŋēē ā ú, kwú uwā ú gwɛ́ɛya oyi ɔlá dúúdú lɛ Ɔwɔicō ɛyí ede ā á.

Ɔwɔicō í je mlanyī Unówa mɛ́mla odúúdú aɛ́bɛ́ mɛ́mla aígbáanɔ nēe bá mɛ́mla anú ipú ɔwú ā ŋ́. Ó le yá kú owu nɛ̄hi kóō tá, anɔ́ɔ éŋkpɔ̄ ā gbo ɔ́ ō wúla á.

Anɔ́ɔ okóohō ā pīyɛyí wā ɛgiyí Unówa ɔ̄nɔ̄ɔ̄nɛ̄, le ēpū ɛ̄mɛ̄ɛ̄mɛ̄ kú ɔcí nēé hī ólifu ā kwu ɔkɔ́ á. Unówa le jé ka éŋkpɔ̄ ā ɔ́ɔ le ŋmó ŋmá ajɛ ɛɛ́.