Versets bíblics populars de ÚKLƆ́ KÚ ĀCOTƐ̄HƆ̄ 5

Comparteix

Upíta mla ācotɛ̄hɔ̄ ā tóohi kahíníī, “Ɔwɔicō nɛ̄ alɔ géē pó ɛlā kú nū fíyɛ́ ákú alɛɛcɛ á.

É habɔ̄ ō nwū ācɛ mla o tɔ́ɔna kú Ɔkōolɔhi kú Ujísɔ̄si Ohɔ́nyɛtá ā tá ipú Agblīihɔ-nɛ̄hi mɛ́mla ɔlɛ́ ɛ̄cī dóódu ŋ́.

Amáŋ Upíta kahíníī, “Ananíyāsi, ɔdíyá nɛ̄ Usétan le mu uwɔ ɔtū ká ā kɛ̄mgbɛ̄ lɛ Alelékwū Ihɔ ā, ká ā kē je āyā kú ɔlá kú ɔdā agbénú ā tayínū ā? Agbénú nyā wɛ ákú uwɔ eko nɛ̄ á je ɔ́ lá ɛ́ɛ́ ŋ́ mā. Eko nāa kē kwú ɔ̄ ú lá ā, ije ā kē wɛ ákú uwɔ. Ɔdíyá nāa miya ká ā yá ɔdā ɛ́gɛ́nyā ipú ɔtū kú uwɔ ā? Á kɛ̄ŋmgbɛ̄ lɛ ācɛ ŋ́ amáŋ a le ɛ̄kɛ̄mgbɛ̄ ka lɛ Ɔwɔicō.” Eko nɛ̄ Ananíyāsi le ɛlā nēe bá nyā pó ā, ó má fíyɛ́ ajɛ, anɔ́ɔ ó gekwú á. Anɔ́ɔ odúúdú ācɛ nēe pó ɔdā nōo yá ā yúufi nɛ̄ɛ̄nɛ̄hi.

Ipú ɛlā kú abālɔbányā ā, n pi aá ahɔ̄ ká aá lɛ iyī aá hɛ́ ŋmá ɛgiyí ācɛ nēe bá ā, ká aá kē habɔ̄ uwā tá cíí. Ohígbū ka ɔ́dāŋ ka ɔdā nēé miya klla yá nyā ŋmá ɛgiyí ācɛ, ó géē mɛtāajɛ. Amáŋ ɔ́dāŋ nōó ŋmá ɛgiyí Ɔwɔicō, aá lɔfú yá uwá lé glá ŋ́. Á jé ní, aá géē yɔ̄ ī bɛ́yíkwu Ɔwɔicō.”