Versets bíblics populars de ÚKLƆ́ KÚ ĀCOTƐ̄HƆ̄ 1

Comparteix

Amáŋ Ɔwɔicō géē tū aá mu mla ɔfú eko nɛ̄ Alelékwū Ihɔ ā wā gaá ce aá ɛyí. Aá kē í wɛ ijáalí kú um ŋmá Ujerúsālɛm mɛ́mla Ujudíya dóódu mɛ́mla Usamérīya klla jāā ga oŋmɛ́yí kú ɛcɛ.”

Amáŋ Ujísɔ̄si tá uwā ohi kahíníī, “Ádā um ōfōōfūnū gē mīya eko nɛ̄ aɔ́dā nēe bá nyā géē yá á, ó wɛ ɛlā aá kú aá jé ɔ̄ ŋ́.

Eko nōó kē yɔ̄ mla uwá kpɔ́ ɛ́ɛ́ mā, ó tū uwā ukɔ́ kahíníī, “Aá nyɛ̄ɛ̄ ŋmá Ujerúsālɛm ŋ́, amáŋ aá gbēyī ɛhi nɛ̄ Ádā um cokónu ō je lɛ aá nɛ̄ n tɛtɛ kɛlā ohígbū nū lɛ aá ā. Ujɔ́ni bī éŋkpɔ̄ gē le yá ācɛ Ubatísim, amáŋ ofíílí ká ɛ̄cī alɛwa kóō yá, é géē bī Alelékwū Ihɔ yá aá Ubatísim.”

Ɛplá ɛ̄cī ofɛpa igbīhi ikwū kú nū ā, ó hɛ́wɛ̄ɛ̄cɛ ipú uwā igbo alɛwa nōo mafú péee nōó tū ō táafú nū ŋ́ kóō yēeyī ɔkwɔ̄ɔ̄kwɛ̄yi. É má ɔ̄ igbo alɛwa, ó kē kɛlā lɛ uwá lɛyíkwu ajɔ̄ɔ̄cɛ́ kú Ɔwɔicō.

Eko nōó lɛ ɛ̄nyā ka kwɛyí ā, ipú eyī ūwā, Ɔwɔicō kwú ɔ̄ ú ga ɔkpáncō anɔ́ɔ ojuja gaá klá anú ŋmá eyī uwā á.

Eko nēé bá ī pléeyī tū ɔkpáncō ā, abɔ̄ ó le ticō ā, igbeékpónú ācɛ ɛpa nēe le otógwō ɛnɛ̄hɛ́ wiiyē le hɛ́wɛ̄ɛ̄cɛ ɔtāhɛ̄ uwā. Anɔ́ɔ é kahíníī, “Ācɛ-Ugálīli, ɔdíyá nɛ̄ aá háyi gē pléeyī tū ɔkpáncō ā? Ujísɔ̄si nyā nēé je ŋmá ɛgiyí aá ga ɔkpáncō ā, géē wā ɛ́gɛ́nɛ̄ aá má ɔ̄ gē nyɔ̄ ɔkpáncō ā.”