Versets bíblics populars de Baɗitari 2

Comparteix

Kamnyar ngəni antə mdə sal ata zhar baba'ni ka mama'ni, ka tsa bartə mwalankiɗa antə da ata ndzi su duku.

Antə MTHLAKU na Hyel pəla abbər, “Aɗi kalkal ka mdə ni ndzi shini wa, I ata namta alari mdər dlara na ata ndzi kalkal alari.”

Antə MTHLAKU na Hyel ku kətsə bərbər ata di ka namtə mdə sal kəgari, ka fiu shambar ar mpika akwa kucirari, antə mdə ni ku ndzi ka mpika.

Antə mdə ni pəla, “Yauwa! Kulini ja antə dludzərna ku wutədzi, tsa an ɗethlu na səɓəla akwa ɗethlər dzi, ka tsuwa kum na səɓəla akwa kumər dzi! Antə mda ata kəga ni mwala, kamnyar akwa dza mdə sal antə mdə kəɓəla ni.”

Tsuwa Hyel ku vədzə barka aka vir na murfəkur ni, ka namtə ni tə tsa ndzi ɓɗakkarkara, kamnyar vir nda antə Hyel zhar kəthlər ar alaktə su.

Antə sal ni ka mwalankiɗa japwa ɗa dura, amma da aɗi akwa səli nvwadzi wa.