Versets bíblics populars de Me Cahyt Xà 14

Comparteix

Nee ca amji tête ame Pahpãm jarkwa curê nare. Ne nee cuna mã ame acryc nare, ne nee ame, por curi amehkrĩ atajê cupa nare. Ampo na? Cu ha me pahtỳj me to cô, ne me hipej ne me hirô pê xa. He me pajõ Pahhiti ihtỳj ame pahkôt ipa, ne cute me pahpãm cahàc krekà pê me pahcurê xwỳn pytàr catêjê atajê cunea rẽn. Cwỳrjapê wa me amã, ca ame hũpa nare — hajỹr.

— Na ca ha acarôt jàhcaprĩhti to me cumã ajpẽ, ne cute mehkên ton xà itajê to tojnõ, ne cama amã mehkĩnti ne. Ne pê ca ramã amji jarẽn to: “Imã me akĩnti ita kam, wa nee me akam icryc pyrentu nare, ne ca hame ate me ito kên, ne amji tête me ijarkwa curê jicu na, wa ha itỳj me ate ito kên ita to tojnõ ne hicu. Nãmri ca ha me ate amji tête me icurê to me axãm ita na, wa ha itỳj hahpan xà na me akên mã me amẽ, me akra me, me atàmxwỳ mea mã” hane.

Cu ha me pajõ Pahhiti cajpuaw na, quê ha ihtỳj me pamã pjê pejti ata gõ, cu ha pahtỳj amji mã me hũtà. Ne pjê ata kam me hõa to me hõ, ne ampeaj kam, kam pryti to ipijapar xà me, pur caxuw impej.

— Ne pom imã hàpên catê pê Carep ita nare, ajteare mã quêt amji kampa, ne quêt cute ihtỳj ipar xà cunea to ipar. Na quê ha ihtỳj cute pjê pupun ata wỳr axà, quê ha mehtàmxwỳ ihtỳj hakàn pê pjê ata kam me ipa, ne kam me amji to ajpa.

Na ca ha me cumã ijarẽn to: “Ipê me gõ Pahhiti pê Pahpãm. Wa ha itỳj me amã, por me amã ampo cupahti na, ate me amji jarẽn ata to.

Mã me hàhtôti atajê ajwar kẽn to ame capêr, ne to mehcuran prãm to pit mã amehcakôc. Mã Pahpãm carôt cati jàhcujrohti ata ampo kà te hũrkwa mã Ixaher catêjê cunea te cuprõn ata wỳr iwrỳc, ne Pahhiti te Mojxe mã harkwa to: — Me hàhtôti itajê ma ame icurê! Ne cute me hajỹr ita kam ri ihtỳj amji caxuw me icyt to me ipa. Ne jũ caxuw mã quê ha ajte, ite me kam ampo to amji to ipipẽ xà ita kôt me ijahkre pej, ne ikôt me amji to?

Ne mehcunea te me Mojxe me Arãw cuna mã me cumã amji capẽr kam mehtẽm, ne me cumã: — Wa nee pjê mã me paxàr xà ita kam ame ityc prãm nare. Wa rỳ mã curia Ejit jõ pjê kam ame ty. Nare, wa põti kam me hamreare ata kam ame ty.

Mã cute me pjê pupun catêjê pijakrut itajê japrỳ pê Jojuw, me Carep atajê me cute amji pê mehkà cokjêr, mehpec xàhte, ne mehkwỳ mã hũjarẽn to: — Pom wa ite me pjê pupun ita peaj to impej.

Mã Pahhiti te Mojxe mã amji jarẽn to: — Hã, wa ha itỳj, pom ate iwỳr xà ita na me ato, ne cute me ito kên itajê to tojnõ. Ne wa ha pa amji japrỳa na me ahna amji to. Quê ha nee jũ caxuw, por pê wa me hũmjê mã pjê to ijũjahkre xà ata mã me hàr nare. Ne põti kam me hamreare ata kam, quê ha mehtyc pa. — Ampo na wa ha me to hane? Nee mã ampo na nare. He pê ramã me icarôt tỳjti jàhcujro itajê kwỳ na me ipupu. Pê wa ramã me cumã me hõ japrỳ te mana ita gõ, ne me cumã cô gõ, mã ajte nee ite Ejit jõ pjê me põti ita kam me cumã ampo ton xà itajê na, ito me amji japackre nare. Ne ajte cormã cute me icapi prãmte, icuna mã me ampo kên ton to me tej to me ipa, ne nee me ijarkwa par nare. Ne por me ijarkwa par nare atajê, quê ha nee, por pê wa me hũmjê mã pjê to awjahkre ata mã, me hàr nare. Ne pom ma ame icurê itajê nõ, quê ha nee mehnõ pjê ata pupun nare.