Versets bíblics populars de Maafiù 8

Comparteix

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Kɛɛ wo kààlòòɗùàa nauŋ woò wààŋ, “Kpele Kanaà, miŋ fè tɛ̀ɛ̀ wèè maŋ hnàŋ maŋ jɔ̀à kè saaŋ miɛ̀ŋ dìì. Wòò nɔŋ mààŋ wo ɓɔìjɔ̀à miɔ̀ŋ jòèyà, wò do nàŋ jòèyè.

Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀!

Kpeiŋ wo Jisɛ̀ naŋ wòò wo sìèfèìŋ aŋ kààlòòɗùà nyaŋ wààŋ, “Kɔ̀à naàŋ ko gboo moo. E hààwe mɔ̀ɛ̀ è nyɛ̀nɛ̀ŋ e yèɛ mùŋ naŋ woò lɛ è hɛɛnɛ̀ŋ.” E tèèngà guùŋ lii sùà nɔŋ wo ɓɔ̀ìjɔ̀à wo sìèfèìŋ aŋ kààlòòɗùà nyaŋ naŋ jòèyè.

Kɛɛ è naŋ nyiŋ wa foonò, yèè àŋ naŋ kùùnò wòò nyiŋ bi e fèemàŋ nyààŋ, “Ɓòò naŋ yaà wo felaa wɛɛ̀? Wɔŋ dùfòìɔ yaà e bɔiŋ nɛ̀ kàìŋ nɛ pɛɛ jɔɔlɔ̀uŋ dìì!”