Versets bíblics populars de PEIKHIETNA 3

Comparteix

Pasien in Moses kungah, “KEIMA AHI KEIMA ka hi hi,” a ci hi. Ama in, “Israel-te kungah, ‘KEIMA a kici pa in na kung vuah keima ei sawl hi,’ ci-in tam bangin na gen ding hi,” a cibe lai hi.

Ama in, “Nangma tawh kang omton ding hi; tami khu nangma ang sawl keima ka hina lim hi ding hi: Egypt panin Israel-te na peipi zaw ciengin tami muol tungah Pasien na bie ding hi,” a ci hi.

Tua ciengin ama in, “Ei nai sin! Na kenga na kedapte sutdawh in, azieh pen tua na dinna mun khu mun siengtho ahi hi,” a ci hi.

Tua ciengin TOPA in, “Egypt gama ka mite thuoh gimna ka mu zo ta hi; amate tunga nasem uhte ziehin keima in a kikona uh aw ka za zo hi. A thuoh uh gimnate ka thei a, Egypt-te khut sung panin amate a hunkhie ding le khum gam panin a hoi a tanzau leitang, bawngnawi le khuoizu a luonna leitang, Canaan-te, Hit-te, Amor-te, Perez-te, Hiv-te le Jebus-te’ opna munah amate a peipi dingin kang peisuh zo hi.

Khum mun sawlbawh lah meikuong sung panin ama kungah TOPA’ vantungmi kilang hi; ama in a et leh tua sawlbawh kuong a, hinanle a katum sih hi.

Tuaci’n hing pei-in Egypt panin ka mi Israel-te a peipi dingin Pharaoh kungah kang sawl ding hi,” a ci hi.