Versets bíblics populars de PEIKHIETNA 12

Comparteix

Azieh pen khum zanin Egypt leitang ka nawhsuoh ding a, Egypt leitang tunga om tacil zosie, mihingte le ganhingte a nipi-in ka vatmai ding hi; Egypt pasien-te zosie tungah thu ka khen ding hi: Keima TOPA ka hi hi. Na tenna uh inn tunga sisan khu no adingin lim khat hi ding hi: Keima in sisan ka mu ciengin kang kalsan ding vua, Egypt leitang ka vatmai ciengin zong ang susie ding gimna na tung vuah ang tung sih ding hi.

Tami ni pen note dingin phawna ni hi ding hi. Note in TOPA tungah tuami ni pen pawi bawlna ni-in na zang ding uhi; na khang tungtawnun biehna ngaina kip khatin na nei zing ding uhi.

Na tate un na kung vuah, ‘Tami sil kibawl bang a cinopna ahiei? ci-a ang dot ciengun, ‘Tami TOPA’ peisan biehpiehna ahi hi. Azieh pen ama in Egypt-te vatmai-in, ahi vangin ei innkuon teng ei hinkhawi lai a, Egypt gam sungah Israel’ innkuonte a peisan hi,’ na ci ding uhi,” a ci hi. Tuale mite lukunin Pasien a bie uhi.