Versets bíblics populars de လ့ 2

Comparteix

ယထိးၥံၫဎုၬယၥၭလၧဎရံၬလၧထုၪ့စူၪယၫအ လီၩ့လါနၫ့နီၪ ယမၧၫ့ယဝ့ၫလီၫ. မွဲလါနၫ့ဘဲၫနီၪတၭ, လမွဲလၧၩ့ယမၧၫ့, မွဲဎရံၬမၧၫ့ဝ့ၫလၧယဖၧၩ့လီၫ. ဆၧလၧယမၧၫ့လၧဆၧယၪအဖၧၩ့ ဘိၩ့နဲၪ့ယီၩ မွဲယ မၧၫ့လၧဆၧနဲၩဘၪဆဲၫ့ လၧယွၩအဖိၪခွၫလၧအအဲၪ

ယၧၩဒဲဖ့ၪလၫ့ဒၪအၥၭလၧယဂးလီၫ.- ယလအီၪ က့ၪဘၪယွၩအခိးအတၩ လၧဆၧပျီၩပျီၩ, အဂဲးဘဲၫ ယီၩဆၧတီၩဆၧလီၩ့အ့ၪအီၪထၪ့လၧဆၧမၪလူၬအ ကၠီၩ့နီၪ,မွဲဎရံၬထိးၥံၫယူၭ အၥၭပျီၩပျီၩယူၭလီၫ.

ပဝ့ၫဒၪယီၩ, ပလမွဲဘၪပဆၧဒဲၩဘၭဖိၪဘၪဆဲၫ့လၧ ၦဆၨၩလဖၪနီၪမွဲၦယုဒၫဖိၪတၭ,- ပၥ့ၪယၫလၧၦ ဘၪဆၧအီၪက့ၪတီၩအီၪက့ၪလီၩ့ဝ့ၫ လၧဆၧမၩဘၪ ဆဲၫ့လၧဆၧမၪလူၬအကၠီၩ့လမွဲဘၪးအ့ၪမွဲလၧဆၧ နဲၩဘၪဆဲၫ့ လၧယ့ၫၡုၬဎရံၬအကၠီၩ့တၭ, ပဝ့ၫဒၪ ယီၩဒၪလ့ၬပနဲၩယ့ၫၡုၬဎရံၬ ဘဲၫၥိၭပမိဘၪဆၧအီၪ က့ၪတီၩအီၪက့ၪလီၩ့ပၧၩလၧ ဆၧနဲၩဘၪဆဲၫ့လၧဎရံၬ အကၠီၩ့နီၪ, လမွဲဘၪလၧဆၧမၩဘၪဆဲၫ့လၧဆၧမၪလူၬ အကၠီၩ့နီၪး အဂဲးဘဲၫယီၩၦဘၪဆၧအီၪက့ၪတီၩအီၪ က့ၪလီၩ့ဝ့ၫလၧဆၧမၩဘၪဆဲၫ့လၧဆၧမၪလူၬနီၪနး ဂၩအ့ၬ.