န့ဘၪအမံၩ့လၧအဝ့ၫနီၪလဂၩ,- ဘဲၫၥိၭအမိဖ့ၪလၫ့ နၥံၪ,ဘဲၫအလၩအဖၩ့လၧၫ့ဎွ့ၩအၥိၭ, ဘဲၫၥိၭအၥၭမု နီၪမိမၩဂုးမၩခၧၫ့ထၪ့နၥံၪအနၫ့ဆါ လၧအဖၧၩ့လ ခီၫနီၪ, ဘဲၫၥိၭဎရံၬမိအီၪဂုးခၧၫ့ လၧနၥံၪအၥၭ ခံဖၧၩ့လၧဆၧနဲၩအကၠီၩ့, ဒဲနၥံၪအဝံဆဲၩလၩ့ယူၭ အ ၥၭလၧဆၧအဲၪဆၧကွံၩအဖၧၩ့တၭ,- ဘဲၫၥိၭနၥံၪ မိၥ့ၪယၫဎုၬလၧၦဆံၫ့ဎံၪကိၭဂၩဒ့ၭ လၧဎရံၬအဆၧအဲၪ ဆၧကွံၩ,အဒၩ့ဎၩ့,ဒဲအဖၭထီၫ, ဒဲအလၩ့အိၪ့ယိၬ, ဒဲအထၪ့ထီၫမွဲအဆံၭဒိၪလဲၪ,- ဘဲၫၥိၭနၥံၪ မိၥ့ၪယၫ ဎရံၬအဆၧအဲၪဆၧကွံၩ လၧပၥ့ၪယၫလူၬ လၥ့ၪဘၪ, ဘဲၫၥိၭနၥံၪမိလၧၫ့ထၪ့ဎွ့ၩထၪ့ လၧယွၩအဆၧလၧၫ့ ဆၧဎွ့ၩထီးအလူၬလီၫ.