Versets bíblics populars de ၁ ထံ 1

Comparteix

ဆၧချဲၩ့လၧအမွဲအတီၩ, ဒဲကြၨၭလၧၦကိၭဂၩဒ့ၭ ထိးဆၧၫ့ဝ့ၫလထံၪ, မွဲအယီၩ, ယ့ၫရှူၬဎရံၬဂဲၫလၩ့လၧ ဂၪ့ခိၪချိၫ့ယီၩဘဲၫၥိၭအမိထိးထဲၩ့တၩ့ထဲၩ့ၦဆၧဒဲၩ ဘၭဖိၪ,လၧယမွဲအဒိၪထုၬလီၫ.

မွဲလါနၫ့ဘိၩ ယန့ဘၪဆၧယၫ့ၥၭအဂဲးဘဲၫယီၩ, ဘဲၫၥိၭယ့ၫရှူၬမိဒုၭနဲၪဆိၫအဆၧအွံၪၥၭဆၧၩ့ ထီးအလူၬ လၧယဖၧၩ့, ဘဲၫၥိၭယမိကဲၪထၪ့အဒီၩ့အထ့ၬလၧ ၦၡၩၥံၪလၧအမိနဲၩထဲၩ့အဝ့ၫဒၪ လၧခဲၫ့အဂး, ဘဲၫၥိၭ အဝ့ၫၥံၪမိန့ဘၪ ဆၧမၧၫ့အဆိၩအကၠၪလီၫ.

ဆၧလၧအမၩလၧၫ့ထၪ့ဎွ့ၩထၪ့ဆၧမၪလူၬနီၪ,မွဲ ဆၧအဲၪဆၧကွံၩဘၪဆဲၫ့လၧဆၧၥၭဆံၫ့ဒဲ ကၪ့ၡၧၫ့လၧ

စဎွၩအဆိၩအကၠၪ, ၥံၫလၥ့ၪ, အီၪလဖျီၪ,န့ၫယွၩ လဂၩဎးနီၪ, မွဲဆၧယူၭဆၧယၪ့, ဒဲဆၧလၩဆၧဖၩ့အီၪ လၧအဝ့ၫဒၪအဆိၩဆိၩအကၠၪကၠၪဆံၭ. အၩမံၩ့.

ပၥ့ၪယၫဆၧယီၩ, ဆၧအီၪက့ၪလၩ့ဆၧမၪလူၬလမွဲဘၪ လၧၦတီၩၦလီၩ့အဂး, အ့ၪမွဲလၧၦမၩမၪဆၧ, ဒဲလၧ ၦလခိၭနၪဘၪဆၧ, ဒဲလၧၦလယူၭလယၪ့ဘၪယွၩ, ဒဲ လၧဆၧဒဲၩဘၭဖိၪ, ဒဲလၧၦလဆံၫ့လဎံၪဘၪ, ဒဲလၧၦ အၧၩ့ၦၥၫ့, ဒဲလၧၦမၩၥံၫအမိ ဒဲလၧၦမၩၥံၫအဖါ, ဒဲ လၧၦမၩၥံၫၦၡၩ,- ဒဲလၧၦမၩမၪမုၪမၩမၪခွၫ, ဒဲလၧၦ အဲၪပခၧၩ့, ဒဲလၧၦအၪ့ဂူၪအၪ့မၧၫ့ဎီးၦၡၩ, ဒဲလၧၦချဲၩ့ ဘျံၭချဲၩ့ဘျၪဆၧ, ဒဲလၧၦလမၩဘၪဝ့ၫဘဲၫအဆိၪလၩ့ အၥၭအၥိၭလဖၪအဂး, ဒဲကယဲဆၧဂူၫဂၩလမံၩ့လါ လါလၧအမၩထံၬထၬ ဆၧၥီၪ့ဆၧၥၫ့အဂးဆ့လီၫ.