Versets bíblics populars de လံာ်ပှၤစံၣ်ညီၣ်ကွီၢ် 6

Comparteix

ယွၤအကလူးအိၣ်ဖျါထီၣ်လၢအမဲာ်ညါဒီးစံးဘၣ်အီၤ, “ယွၤအိၣ်ဒီးနၤ, ပှၤအဒူဒီးအဂံၢ်အဘါဆူၣ်တဂၤဧၢ”.

တုၤနုၤတစု, ယွၤစံးဘၣ်အီၤ, “လဲၤထီၣ်ဒီးနဂံၢ်ဆူၣ်ဘါဆူၣ်ဖးဒိၣ်ခဲလၢာ်ဒီးအုၣ်က့ၤခီၣ်က့ၤပှၤအံၣ်စရ့လးဖိလၢ ပှၤမံးဒယၣ်ဖိတဖၣ်အစုပူၤတက့ၢ်. ယနီၢ်ကစၢ်ဒၣ်ယဲ, ယဆှၢလီၤနၤလီၤ”.

ဒီးယွၤစံးဆၢဝဲ, “နမၤတၢ်တမံၤန့ၣ်သ့, မ့ၢ်လၢယမၤစၢၤနၤအဃိန့ၣ်လီၤ. နကတီၢ်သဘှံးပှၤမံးဒယၣ်ဖိတဖၣ်ညီညီဒ်အဝဲသ့ၣ်မ့ၢ်ပှၤတဂၤဧိၤ အသိးန့ၣ်လီၤ.”

စီၤကံးဒဧိၣ်စံးဘၣ်အီၤ, “တၢ်ဒိၣ်ဧၢ, ယွၤမ့ၢ်အိၣ်ဒီးပှၤ န့ၣ်ဘၣ်မနုၤကယဲၢ်တၢ်ခဲလၢာ်အံၤမၤအသးဒီးပှၤန့ၣ်လဲၣ်. ကယဲၢ်တၢ်လီၤလးတဖၣ်လၢပပၢ်တဖၣ်တဲပှၤဘၣ်ဃးယွၤထုးထီၣ် အဝဲသ့ၣ်လၢကီၢ်အဲၤကူပတူးအပူၤ, တၢ်လၢယွၤမၤညီနုၢ်အီၤတဖၣ်န့ၣ်မၤအသးဒ်လဲၣ်. ယွၤညိကွံာ်တ့ၢ်လံပှၤ, ဒီးပာ်လီၤတဲာ်ပှၤလၢပှၤမံးဒယၣ်ဖိတဖၣ်အတၢ်သးကညီၤအပူၤလံ.”

စီၤကံးဒဧိၣ်စံးဆၢဝဲဒၣ်, “ဘၣ်ဆၣ်ဒီးယအုၣ်က့ၤခီၣ်က့ၤအံၣ်စရ့လးကသံဒ်လဲၣ်. ယဒူၣ်ဖိထၢဖိမ့ၢ်ပှၤအဂံၢ်အဘါစၢ်ကတၢၢ်လၢမနၤၡ့ၤအဒူၣ်အကျါန့ၣ်လီၤ. ဒီးယမ့ၢ်ပှၤအဆံးကတၢၢ်လၢယဒူၣ်ဖိထၢဖိလၢအကါတဒိၣ်ဘၣ် အကျါန့ၣ်လီၤ.”

အန့ၣ်ဝံၤဒီး, ယွၤအကလူးန့ၣ်ဟဲဆူသဝီဧိးဖြၤဒီးဆ့ၣ်နီၤလၢ သ့ၣ်သ့ထိးဖၣ်တထံးအဖီလာ်လၢအဘၣ်ဃးဒီးစီၤယိၤအၣ်လၢအမ့ၢ် ပှၤအဘံၤဧ့စ့ၢ်ဖိန့ၣ်လီၤ. အဝဲအဖိခွါစီၤကံးဒဧိၣ်န့ၣ်တီၢ်ခူသူၣ်ဘုကၠူၣ်တနီၤလၢနီၣ် စံၢ်စပံးသၣ်အလီၢ်ဒ်သိးပှၤမံးဒယၣ်ဖိတဖၣ်အသုတထံၣ်အီၤတဂ့ၤန့ၣ်လီၤ.

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.

ဘၣ်ဆၣ်ဒီးယွၤစံးဘၣ်အီၤ, “မ်တၢ်ဃူတၢ်ဖိးအိၣ်ဒီးနၤတက့ၢ်. ပျံၤတၢ်တဂ့ၤ. နတသံဘၣ်.”

မၤကဒီးတစု, အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါယွၤ အဃိဒီး, အဝဲပျဲကီၢ်မံးဒယၣ်အပှၤဂီၢ်မုၢ်ပၢအဝဲသ့ၣ်နွံနံၣ်လီၤ.