1
လံာ်ယၡါယၤ 54:17
Sgaw Karen Common Bible
KSWC
ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.
2
လံာ်ယၡါယၤ 54:10
ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.
3
လံာ်ယၡါယၤ 54:4
ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.
4
လံာ်ယၡါယၤ 54:5
နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.
5
လံာ်ယၡါယၤ 54:2
မၤလဲၢ်ထီၣ်ဒဲလၢနအိၣ်လၢအပူၤတက့ၢ်. မၤထီထီၣ်အပျံၤတဖၣ်ဒီးမၤခၢၣ်သနၢၣ်အတၢၣ်ဖိတဖၣ်တက့ၢ်.
6
လံာ်ယၡါယၤ 54:13
ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.
7
လံာ်ယၡါယၤ 54:8
ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.
8
လံာ်ယၡါယၤ 54:7
“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.
9
လံာ်ယၡါယၤ 54:9
“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်. ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်. ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.
10
လံာ်ယၡါယၤ 54:12
ယကသူၣ်ထီၣ်နပၢၤတၢ်အလီၢ်တဖၣ်န့ၣ်လၢ တၢ်မျၢ်ဂီၤတဖၣ် ဒီးနတြဲၤတဖၣ်န့ၣ်လၢလၢၢ်တဖၣ်လၢအကပီၤဝဲ ဒ်မ့ၣ်အူအသိး, ဒီးတၢ်ဒူၣ်အိၣ်ဝးတရံးနၤတဖၣ်န့ၣ်လၢတၢ်မျၢ်ပလဲတဖၣ်န့ၣ်လီၤ.