Versets bíblics populars de လံာ်တၢ်ကဲထီၣ်အခီၣ်ထံး 49

Comparteix

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စီၤယိၤသးလီၤဂာ်ဒီးကသ့ၣ်ယီၤအရၢၢ်တဒုလၢထံထီၣ်ပၢၢ်တပူၤအ ဃၢၤ, ကသ့ၣ်ဖိအရၢၢ်တဒုလၢတၢ်လူၢ်တလူၢ်အဒီခိၣ်န့ၣ်လီၤ. အဝဲအဒုၣ်အဒါတဖၣ်ဒုးအီၤဆူၣ်ဆူၣ်ဒီးလူၤထွဲအခံလၢအချံၣ် တဖၣ်ဒီးအပျၢ်တဖၣ်န့ၣ်လီၤ.

ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ. အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်

စီၤယူဒၤဧၢ, နဒီပုၢ်ဝဲၢ်ခွါတဖၣ်ကစံးထီၣ်ပတြၢၤနၤလီၤ. နစှီၤဃာ်နဒုၣ်နဒါတဖၣ်လၢအကိာ်လီၤ. နဒီပုၢ်ဝဲၢ်ခွါတဖၣ်ကတီၤလီၤလၢနမဲာ်ညါလီၤ. စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

စီၤရူၤဘ့ၣ်, ယဖိဝဲၢ်ကိ, နမ့ၢ်ယဂံၢ်ယဘါ, ဒီးယတၢ်ဒိၣ်တုာ်ခိၣ်ပှဲၤအဖိအဆိကတၢၢ်, ပှၤဒိၣ်ဝဲထီဝဲကတၢၢ် ဒီးအဂံၢ်ဆူၣ်ကတၢၢ်လၢယဖိခွါတဖၣ်အကျါလီၤ. နလီၤဂာ်ဒ်ထံဒိၣ်ခိၣ်ယွၤတပျုာ်တပျီၤတမံၤအသိး, ဘၣ်ဆၣ်နတမ့ၢ်ပှၤအကါဒိၣ်ကတၢၢ်ဘၣ်. အဂ့ၢ်ဒ်အံၤ, နမံဃုာ်တ့ၢ်ဒီးယသံၣ်မါဒီးနမၤလီၤနပၢ်အလီၢ်မံ အသူးအသ့ၣ်န့ၣ်လီၤ.