Versets bíblics populars de လံာ်တၢ်ကဲထီၣ်အခီၣ်ထံး 15

Comparteix

စီၤအၤဘြၣ်နာ်ယွၤဒီးမ့ၢ်လၢတၢ်အံၤအဃိယွၤဘၣ်သူၣ်ဘၣ်သးအီၤ ဒီးတူၢ်လိာ်အီၤန့ၣ်လီၤ.

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

ယွၤကိးထီၣ်အီၤဆူတၢ်ချၢဒီးစံးဝဲဒၣ်, “ကွၢ်ထီၣ်ဆူမူခိၣ် ဒီးဂံၢ်ကွၢ်ဆၣ်ဧိၤဖီဧိၤန့ၣ်တက့ၢ်. နကအိၣ်ဒီးနစၢၤနသွဲၣ်အါအါဂီၢ်ဂီၢ်ဒ်န့ၣ်အသိးလီၤ.”

တုၤနုၤတစု, အဝဲနၢ်ဟူယွၤစံးဘၣ်ကဒီးအီၤ, “နကုၢ်စီၤအလံၤ ဧ့စ့ၢ်အံၤတန့ၢ်သါဘၣ်နတၢ်စုလီၤခီၣ်ခိၣ်ဘၣ်. နဖိခွါဒၣ်နဲကမ့ၢ်ပှၤန့ၢ်သါတၢ်လီၤ.”

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.