Versets bíblics populars de လံာ်တၢ်ဟးထီၣ်ကွံာ် 20

Comparteix

ဒီးကစၢ်ယွၤကတိၤတၢ်ဒီးစံးဝဲဒၣ်, “ယမ့ၢ်ယွၤ, သုကစၢ်ယွၤလၢအထုးထီၣ်ကွံာ်သုလၢကီၢ်အဲၤကူပတူးအပူၤဖဲသုမ့ၢ်ကုၢ်တဖၣ်အလီၢ်န့ၣ်လီၤ. လၢယၤအမဲာ်ညါန့ၣ်ဘါထီၣ်ကစၢ်နီတဂၤတဂ့ၤ.

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်လိၤမ့ၢ် ဂ့ၤ, လၢထံကျါမ့ၢ်ဂ့ၤ, လၢဟီၣ်ခိၣ်လာ်မ့ၢ်ဂ့ၤန့ၣ်မၤထီၣ်အဂီၤလၢသုဂီၢ်တဂ့ၤ. သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

တိၢ်န့ၢ်ဖံးဃာ်မုၢ်အိၣ်ဘှံးအနံၤဒီးပာ်စီဆှံအီၤတက့ၢ်. သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ.

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

တိၢ်န့ၢ်ဖံးဃာ်မုၢ်အိၣ်ဘှံးအနံၤဒီးပာ်စီဆှံအီၤတက့ၢ်. သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. မ့မ့ၢ်နွံသီတသီန့ၣ်မ့ၢ်တၢ်အိၣ်ဘှံးအနံၤလၢတၢ်ပာ်စီဆှံ အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်ပှၤတဘၣ်မၤတၢ်နီတဂၤဘၣ်. သုဝဲသ့ၣ်မ့ၢ်ဂ့ၤ, သုဖိတဖၣ်မ့ၢ်ဂ့ၤ, သုကုၢ်တဖၣ်မ့ၢ်ဂ့ၤ, သုဆၣ်ဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်လၢသု ကီၢ်ပူၤမ့ၢ်ဂ့ၤတဘၣ်မၤတၢ်နီတဂၤဘၣ်.

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

ဆှိးကဘျံးကဘျၣ်ပှၤနီတဂၤတဂ့ၤ.

မၤကမၣ်မုၣ်ကမၣ်ခွါတဂ့ၤ.

မၤသံတၢ်တဂ့ၤ.

ဟုၣ်တၢ်တဂ့ၤ.