Versets bíblics populars de လံာ်သိၣ်လီၤသီလီၤတၢ် 10

Comparteix

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်တက့ၢ်. တနံၤအံၤယဟ့ၣ်လီၤသုလၢတၢ်တဖၣ်န့ၣ်, လၢသုတၢ်ဂ့ၤတၢ်ဘျုးအဂီၢ်လီၤ.

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်ကဲထီၣ်ပှၤ စူၢ်ယွၤအကလုာ်ဒီးဆိကတီၢ်ကွံာ်သုတၢ်ခိၣ်ကိၤန့ၣ်တက့ၢ်.

အဝဲမၤလီၤတံၢ်ဝဲလၢဖိၣ်ဃဲတဖၣ်ဒီးမုၣ်ကမဲတဖၣ်ကဘၣ်တၢ်မၤ အီၤတီတီလိၤလိၤန့ၣ်လီၤ. အဝဲအဲၣ်ပှၤတခီဘီမုၢ်ဖိတဖၣ်လၢအအိၣ်ဆိးဝဲလၢပပှၤဂီၢ်မုၢ်အကျါ, ဒီးဟ့ၣ်လီၤအဝဲသ့ၣ်လၢတၢ်အီၣ်တၢ်အီဒီးတၢ်ကူတၢ်သိးတဖၣ်န့ၣ်လီၤ.

စံးထီၣ်ပတြၢၤအီၤတက့ၢ်. အဝဲဒၣ်မ့ၢ်သုကစၢ်ယွၤ, ဒီးသုထံၣ်ဘၣ်တ့ၢ်လၢသုမဲာ်ချံတဖၣ်ဒၣ်သုဝဲ, လၢအမ့ၢ်, တၢ်တဖၣ်လၢအဒိၣ်ဒီးလီၤလးမးလၢအဝဲအမၤတ့ၢ်ဝဲလၢ သုဂီၢ်န့ၣ်လီၤ.

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

မူခိၣ်ဒီးအလီၢ်လၢအထီကတၢၢ်ဒၣ်လဲာ်ဘၣ်ဃးဒီးယွၤလီၤ. ဟီၣ်ခိၣ်ဒီးတၢ်လၢအအိၣ်လၢအပူၤကိးမံၤဒဲးန့ၣ်မ့ၢ်စ့ၢ်ကီးအဝဲအတၢ်န့ၣ်လီၤ.

မၤသးဒ်န့ၣ်ဒီး, ဒုးနဲၣ်တၢ်အဲၣ်တၢ်ကွံလၢပှၤတခီဘီမုၢ်ဖိ တဖၣ်တက့ၢ်. အဂ့ၢ်ဒ်အံၤ, တဘျီန့ၣ်သုမ့ၢ်တ့ၢ်ပှၤတခီ ဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.