ဖဲစီၤစီလူးနၢ်ဟူတၢ်အံၤဒီးကစၢ်ယွၤအသးလီၤဘၣ်လၢအလိၤ ဒီးအဝဲအသးဒိၣ်ထီၣ်လီၤ. အဝဲဟံးန့ၢ်ဂီၤဖံးဖါခံဒုဒီးဒီၣ်တဲာ်အီၤတကူာ်တကူာ်ဒီး မၢပှၤစိာ်တၢ်ကစီၣ်တဖၣ်စိာ်တၢ်ညၣ်အကူာ်တဖၣ်န့ၣ်သကုၤကီၢ်အံၣ် စရ့လးဒီဘ့ၣ်ဃုာ်ဒီးတၢ်ဟ့ၣ်ပလီၢ်အံၤန့ၣ်လီၤ. “ပှၤတဂၤလၢ်လၢ်လၢအတပိာ်ဘၣ်စီၤစီလူးဒီးစီၤၡမူအ့လးအခံ ဆူတၢ်ဒုးအပူၤန့ၣ်, အဂီၤဖံးဖါတဖၣ်ကဘၣ်တၢ်မၤအီၤဒ်အံၤလီၤ. ကီၢ်အံၣ်စရ့လးအပှၤဂီၢ်မုၢ်ပျံၤတၢ်လၢယွၤကမၤဝဲ, ဒီးဟဲထီၣ်သကိးဝဲခဲလၢာ်တအိၣ်ဒီးတၢ်လီၤတိၢ်ဘၣ်လီၤ.