Versets bíblics populars de Ɓi Rom 8

Comparteix

Ɓoo inhiɗ ne Kooh na tume po in ci jen ambsukoh nik in baahiɗ ngaŋ ɓi waaɗ ɗe. Ɓooɓeem, e ɓooɓi Kooh ɓeeɗuk ŋ findi a kooɗkiɗohee wa.

Laam wa wooriɗ to ne raakɗi ini min ɓoo saɓsoh na waaɗi a waaɗ ɓoo, wa kakaan haa, wa kipes haa, ca malaaka haa, ca safaal haa, wa woti wala kim haa, ca heɗ hatil haa, wa ɗafkiɗ wala nooɗiɗ haa, ca feruuɗ wiiriis haa, ali in minɗi ɓoo saɓsoh na waaɗi Kooh waaɗ ɓoo taamboh ŋ Kiristaani Yeesu, Heɗ ɓoo.

Fuuɗsi na ɓaatɗohe ɓoo ŋ ñaki ɓoo ñak hatil, laam ɓoo inahɗi ini ɓoo joy kiim. Waaye Fuuɗsi na haf ce na kiimɗe ɓoo na iin ci fu inah ne, ɓo' minɗi ca woo.

Ɓoo woyissan ye ? Kooh yii na ɓoo, te nik ne a yii na ɓoo ɗah, ya ɓa miniɗ ɓoo in ?

Kon ɗiski wa nik, ɓi nik ŋ Kiristaani Yeesu, minisɗi atte'u kaan.

Liiɓohaaɗi hun na Adina na ɓayohe ŋ kakaan, waaye wi hun na Fuuɗsi Hoolohngaani na ɓayohe ŋ kipes na jam.

Waaye ŋ in ceem jen, a ɓoo saah po ɗiska saah top taamboh ŋ Yi waaɗ ɓoo.

Wa wooriɗ to ne miskiɗ ciŋ ɓoo ŋ jamanoonii minɗi hendtiɗkohu na kiyak ki Kooh teeɓohan nga ɓoo kim.

Wa ye saɓsohan ɓoo na waaɗi Kiristaani waaɗ ɓoo ? Wa miskiɗ haa. Wa jaahiɗ haa. Wa tolfiɗ wala aɗuk haa. Wa ñak ɓekkaah haa. Te wa in wooraaɗi wala ndang haa !

Te Yi na hote ini nik ŋ keeñ ci inhiɗ ini Fuuɗsi waaɗ kiim, laam Fuuɗsi na kiimɗe kosiɗ ciŋ Kooh findi Kooh waaɗoh.

Laam ɓi Fuuɗsi adgoh jen, ɓa kuɓuuciŋ Kooh.

Laam, ɓi na taambɗe kiñin ciŋ ɓa, liiɓohaaɗiŋ ɓa hun na Adina. Waaye ɓi na taambɗe Fuuɗsi Hoolohngaani, liiɓohaaɗiŋ ɓa hun na Fuuɗsi Hoolohngaani.

Kooh, yi teyɗuk ne Kuɓkiŋ ɗe raak miskiɗ, a eɗohha ɗe wuu ɓoo jen, a eɗiɗ ɓoo Kuɓkiŋ ɗe ! Wa wooriɗ ne a hey baahohe ɓoo in ci jen findi a eɗoh ɓoo Kuɓkiŋ ɗe !

Fuuɗseem hun na liiɓ ciŋ ɓoo seede'ee ne ɓoo kuɓuuciŋ Kooh. Nik ne ɓoo kuɓu ɗah, ɓoo hey rahse in ci Kooh gap kuɓuuciŋ ɗe, te ɓoo ɓaahan ca na Kiristaani ; nik ne ɓoo ɓaahiɗ na ɗe miskiɗ ɗah, ɓoo ɓaahan na ɗe yaki a yak.

Ɓooɓi liiɓohaaɗ ciŋ ɓa hun na Adina, ɓa sangiɗ ciŋ Kooh, ɓa na taambɗeeɗi nakoh ciŋ ɗe, ɓa minɗaa sah.

Ini Kooh fer jen wa ɗii sek na seesuk keeh-keeh mbehi kuɓuuciŋ Kooh teeɓohsan.

Ɓoo inhiɗ ne po woti, in ci Kooh fer, findi ca hend jen, ceɗi iineeɗa sagu miskiɗ findi ɓitɓi na ɓasle.