Versets bíblics populars de Hechos 24

Comparteix

Ta xa̱ꞌa̱ ña kándixa i̱ ñayóꞌo, ta ndiꞌi saá ki̱vi̱ chíkaa̱ i̱ ndee̱ keꞌé i̱ ñava̱ꞌa ña kóni Ndios xa̱ꞌa̱ ña o̱n kóo nda̱ loꞌo ña sandiꞌi ini i̱ no̱o̱ Ndios ta no̱o̱ ni̱vi.

Ta ta̱Pablo, ni̱ka̱ꞌa̱n ka̱ ra nándaxin ra to̱ꞌon, káchí ra saá xíꞌin na: ―Ni̱vi na kándixa Jesucristo xíni̱ ñóꞌó kutaku̱ na xíꞌin ñanda̱a̱, ta xíni̱ ñóꞌó nasita xíꞌin mi̱i na no̱o̱ ña o̱n váꞌa. Saá chi va̱xi ki̱vi̱ Ndios kasa nani ra xa̱ꞌa̱ kua̱chi ndiꞌi ni̱vi ―káchí ta̱Pablo xíꞌin na. Tá xi̱ni̱ so̱ꞌo ta̱Félix to̱ꞌon yóꞌo, ta ni̱yi̱ꞌví ní ra, ta ni̱ka̱ꞌa̱n ra xíꞌin ta̱Pablo, káchí ra saá: ―Xa va̱ꞌa vitin, o̱n ndato̱ꞌon ka̱ ún xíꞌin i̱. Ta saá ñii ki̱vi̱ táná no̱na̱ loꞌo no̱o̱ i̱, ta saá kana i̱ yóꞌó kixaa̱ ún no̱o̱ i̱ ña ndato̱ꞌon ka̱ ún xíꞌin i̱ ―káchí ra xíꞌin ta̱Pablo.