Versets bíblics populars de San Marcos 13

Comparteix

Jet angken si‐kayo, sota joka pemati son si‐kak, si‐katoy kabol la okesan shakejo so ni karakdan na too. Nem sota mengitoded ni angken nganton digat ja onsabi son si‐kato, si‐katoy maysedakan.

Isonga pantanshaan kayo; mesepol la esagana kayo ni olay, mesepol la mansheẃat kayo ni olay son Apo Shiyos. Ta eg jo amta sotan alin timpo ja idaw ko di.

No ma‐shel kayo ja mebistigal shi oskaro, karekayo meshanagan no ngarantoy isongbat jo son si‐kara, no diket sota maypa‐amta met laeng son si‐kayo nontan na oras ja shakejosoka pan‐ibag‐i, sotan i isongbat jo. Ta aliẃen si‐kayon mismo i onsongbat so, no diket sota Ispirito Santo nen Apo Shiyos.

Sama naykayang tan saja dobong, mebedin na ma‐enshi, nem saja esel la inkowan ko, kenshat ta metongpal, ja eg ma‐enshi.

“Nem si Apo Shiyos bengat i maka‐amta no pigan i ketongpal niyay ya inkowan ko la. Angken sama anghil shi dangit, tan si‐kak ja Anak nen Apo Shiyos, eg mi ngo amta.

Jet ẃara pay i mismon mankokobat ja itenengan jo, tan ẃaray shemagen jon kobat shi eshom ma ili. Nem karekayo meshanagan. Tep kenshat ta mepesamak ira jay, nem aliẃen sotan i ka‐amta‐an to ey shanshani may pantepos ni dobong.

Sajay i kay‐eshigan jo, isonga mesepol la esagana kayo ni olay, ta eg jo amta nem pigan aliy imotok nonta apo jo — no mama‐shem, ono kawa ni dabi, ono nem ikagang ni manok ni daem, ono agsapa. Isonga pan‐alisto kayo, say no bilang ey onmotok sota Apo jo ni palibdibag, eg tokejo sa‐kopan na na‐ogip. “Saja ikowan ko son si‐kayo, emin na tooy naka pengikowani so: pansagana kayo ngarod!” Sajay ya emin, inkowan nen Jesus.

Angken ili tan ili, mankobat ira, jet angken pay sota ka‐ili‐ilin intorayan ni a‐ashi, mankokobat ngo ira. Wara pay i jegjeg shi kedogadogad, tan epaladon bitil. Nem emin iyay ya mepesamak, sajay i panshoki‐an bengat ni digat.

Jet sota mapteng nga shamag maypangkep ni pantoshayan nen Apo Shiyos, maypedawag shi emin na ka‐ili‐ili asan kesabi may pantepos ni dobong.

ta eshakel aliy toon mengosal ni ngaran ko, ja ikowan sha ey si‐kara si Cristo, jet eshakel noman i totoon may‐owapan.

“Pantanshaan kayo, ta ẃaray eshom ma totoo ja mengidaw son si‐kayo shi oskaro. Tan angken shima sa‐nopan sha, sepsepdaten shakejod man pay. Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak.

Ta eshakel aliy toon kowan sha ey si‐kara si Cristo, ono kowan sha ey si‐karay para padto nen Apo Shiyos, jet eshakel i dag‐en shen kaskasshaaw wa aramid ono milagro. Jet no mebedin, kowan sha pay ey i‐owapan sha ira sota too nen Apo Shiyos ja pinidi to.

“Jet no onsabi sotan na timpo ja kekshengan nonta digat, ma‐shep shagos sota niyal ni sekit tan bolan, jet sama talaw, mepedaspas ira, jet mebediwan i itsora nima naykayang.