Versets bíblics populars de San Lucas 6

Comparteix

I‐akniyo iray eshom et si Apo Shiyos i mengi‐kan ngo son si‐kayo. Sota karakel ni joka i‐akan, si‐kato ngoy karakel ni i‐akan nen Apo Shiyos son si‐kayo. Nem i‐aknan tokejo ni sobda, ja angken iteded jo tan itelneg jo, onja‐bis pay ali shi sango jo.”

Sota mapteng nga too, mapteng ngoy ẃared poso to jet si‐kato ngoy toka dagdag‐a. Nem say toon ngaaw, ngaaw ngoy ẃared poso to et ngaaw ngoy aramid to. Ta sota ẃared nemnem ni too ni olay, si‐kato ngoy onbo‐day shi bongot to ja esel.

No ẃaray kowan to ey memodod son si‐kayo, pabodori jo ira, angken eg to i‐oli. Semek joy makakontra son si‐kayo, tan mapteng koma mangoy pesing jo son si‐kara. Ta no satan i pesing jo, joka pan‐ipa‐sas ey annak shakejo nen Apo Shiyos ja Kangeto‐an. Ebadeg i kon‐oren jon isobadit nen Apo Shiyos tep si Apo Shiyos, mapteng i toka pesing ni emin na too, angken sota eg man‐iyaman son si‐kato tan sota makedsel.

Kaasi‐i joy eshom ja inges toy kepesing nen Apo Shiyos!

“Karejo nemnemen i nankamali‐an ni eshom ja si‐katoy pengikowanan jo ma ey ngaaw ira, say eg ngo ikowan nen Apo Shiyos ey ngaaw kayo.

“Nem iyay i ikowan ko son si‐kayon emengitneng son si‐kak. Sota makakontra son si‐kayo, semek jo mango tan dagejoy mapteng so ira nonta mengokes son si‐kayo. No ẃaray mengi‐ebig son si‐kayo, ikowan jo ey, ‘Si Apo Shiyos komay ontolong son si‐kam.’ Ireẃati jo son Apo Shiyos ira sota ememedigat son si‐kayo.

Sota piyan jon pesing ni eshom son si‐kayo, si‐kato ngoy pesing jo son si‐kara.

No ẃaray menengpel ni tamil mo, itodok mo pay ya angken pinshowa‐en tod piig. No ẃaray mengeda ni jakit mo, itodok mo pay ya angken al‐en toy barom. No ẃaray manbeka son si‐kam, i‐kan mo son si‐kara i piyan sha. Tan no ẃaray indaren kokowam, angken eg mo en odi‐en.

“Sota molen ngaaw, eg ondames ni mapteng, nem say mapteng nga mola, mapteng ngoy dames to. Jet sota ngaaw wa mola, ngaaw ngoy dames to.

Emin na mola, ma‐amta‐an i kalasi to no ondames. Sota kowan sha ey higos, say dames to ngo, higos; aliẃen medepod sebit. Tan eg meboshas i kowan sha ey obas shi kompormi.