Versets bíblics populars de Inpaspasing 11

Comparteix

Idi simbi to si Saulo, in‐ilaw tod Antiok, jet makatawen shen nantoro so nonta ira eshakel la emati. Jet shi Antiok i pilmiron nanshogi‐an ni kowan sha ey Kristiyano i ngaran ni emati son Cristo.

Idi mimotok shiman, inon‐an to ey kinaasi‐an ngo ira nen Apo Shiyos sota aliẃen Hodiyos jet ebadeg ma i imdeng to. Jet nontan, binidin to ira ey ki‐deten sha sotan na pamatira son Apo Jesus. Ta saja si Bernabe, mapteng i ogadi to, tan inshalan ni Ispirito Santo nen Apo Shiyos, tan ebadeg i pamati to. Jet nontan ma, mas eshakel pay iray emati son Apo Jesus.

Si Apo Shiyos, edawag ey angken sota toon aliẃen Hodiyos, in‐aknan to ngo ira ni Ispirito Santo to, ja inges toy inpasing to son si‐katejo, ni inpamati tayo son Apo Jesucristo. Isonga si‐kak, enshiy kanebengan kon menokil ni piyan nen Apo Shiyos.” Kowan nen Pedro. Jet idi intenengan sha iyay, imeket ira ma sota totoon istay bimalaw so ni inpasing nen Pedro, jet say inpasing sha ma, nan‐iyaman ira son Apo Shiyos, ja kowan sha ey, “No kasta, si Apo Shiyos, kinaasi‐an toy toon aliẃen Hodiyos et intolok ton manbebawi ira, say may‐aknan ngo ira ni biyag ja enshiy to engintegan.”