Versets bíblics populars de 2 I-Korinto 9

Comparteix

Jet si Apo Shiyos, kabaalan ton i‐akan i ebadeg ga kaasi to son si‐kayo jet aliẃen sota kasapolan jo bengat, no diket esolokan pay. Kabaalan ton mengi‐kan ni koskoston kasapolan jo jet sodokan to pay say ẃara ni olay i i‐akan jo so nonta mesepol la metodongan.

Nem enshiy memidit son si‐kayo. Isonga eg kayo koma onkotot pangkep niyay ya alos. Emin sota masi‐met ja mengi‐kan, nemnemen to no pigay i‐akan to jet si‐katoy i‐akan to. Ta si Apo Shiyos, pipiyan to sota man‐imdeng ja mengi‐kan.

Iyay koma i nemnemen jo ja arig ni pengi‐kan. Sota toon ootik i inmola to, otik ngoy epiten to. Jet sota eshakel i inmola to, asdeg to ngoy epiten to.

Jet si Apo Shiyos ja emengi‐kan ni botil so nonta ira manmoda, tan emengi‐kan ni mekan, si‐kato met laeng i peshekel so nonta ẃara son si‐kayo say eshakel ngoy todongan jo. Si‐katoy mengi‐kan ni olay son si‐kayo say ẃaray pesing jon mandeka ni mapteng. Isonga mebedin men asdeg to ni olay i i‐akan jo, ta si Apo Shiyos met laeng i maka‐amta ni baknangan jo. Jet no maypangkep nonta alos jon ipiyal jo son si‐kami, say panbenagan to, eshakel i man‐iyaman son Apo Shiyos.

Jet si Apo Shiyos i pan‐iyaman tayo, ta enshiy kay‐ingesan nonta in‐akan ton kaasi son si‐katejon too to!