Versets bíblics populars de Xota̱ Roma̱ 8

Comparteix

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

Ngatꞌa̱ jè be kixi̱ kixi̱ an nga nde ngojín ni, ti̱nde kjo̱a̱bo̱yaa̱, ti̱nde kjo̱a̱mindyioo̱n, ti̱nde ndítsjiee̱, ti̱nde ngaꞌniuú xindajín, ti̱nde ni xi tjín ngotꞌe̱, ti̱nde ni xi sꞌe̱ ka̱ma, ti̱nde ni xi ꞌniú nkꞌa, ti̱nde ni xi ꞌniú na̱nga̱, ti̱nde ngojín ni xi je kamándaa̱ xi ka̱maa̱ kjo̱a̱ꞌáxínná kjo̱a̱tjó xi akó Néná nga katsjáná Kristo̱ Kjisoo̱, kui xi Ndi̱a̱ná.

Ti̱ bo̱a̱ ti̱ tsꞌén A̱si̱énni̱xtjii̱n bosikójoná ngatꞌa̱ inda tindyión. Xikoó nga yà jàn mí ni xi kꞌuín nga ko̱ndókjoáa̱ Néná, kó ti̱kuíní A̱si̱énni̱xtjii̱n xi chji̱a̱tjená. A̱si̱énni̱xtjii̱n foeꞌetsiéꞌoón nga chji̱a̱a̱ Néná, kó májín ndaꞌyaá nga én kuí nii̱.

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

Kósꞌe̱ ngotꞌe̱ ꞌne̱, Néná ngiti̱ ko̱tíjéjiín xota̱ xi je katsꞌéngojo̱ yojoo̱ Kristo̱ Kjisoo̱, kui xi tjimá xikótsꞌèn mejeén A̱si̱énni̱xtjii̱n Néná, jmí tsi xikótsꞌèn mejeén yojoo̱.

Ngatꞌa̱ tsi ku̱i̱ndyión nga si̱ꞌankjó ngayeje ni xi ndajín xi mejeén sa̱ꞌín yojoná, ko̱yà ñá ngindyi̱ko̱n Néná, ta̱nga tsi ta̱kuítsí ni xi tsi̱ꞌe̱ A̱si̱énni̱xtjii̱n Néná xi si̱ꞌankjó, kjiꞌá boá nga kꞌuiéná kjo̱a̱mindyion ngatsjéni̱xtjin ko̱jo kjo̱a̱xió.

Ta̱nga ngi̱jii̱n ngayeje ni xi̱ꞌbi̱, jè kiniꞌán, kó tsie ngase ni xi si̱ꞌán ngatꞌaa̱ kui xi katsꞌéntjóná.

Ta̱nga bee̱ko̱n an nga kui kjo̱a̱ni̱ma̱ xi ndyi̱bitjatió ngotꞌe̱, kjo̱chótji̱ngíjín ngayeje kjo̱a̱je xi jaskan sa̱kóná.

ꞌYá xi ka̱maa̱ kjo̱a̱ꞌáxínná kjo̱a̱tjoó Kristoo̱. A kjo̱a̱ni̱ma̱a̱. A kjo̱a̱boaa̱. A kjo̱a̱miyotji̱ngii̱. A kjo̱a̱bojoó. A kjo̱a̱kjiꞌixtií. A kjo̱a̱a̱ nga ni xi chꞌokjiꞌi ka̱mataꞌin. A kjo̱a̱bo̱yaa̱.

Néná xí be ini̱ma̱a̱ xotaa̱, jè be ni xi mejeén sa̱ꞌín A̱si̱énni̱xtjii̱n, ngatꞌa̱ xikótsꞌèn mejeén Néná, bo̱a̱ tsꞌén A̱si̱énni̱xtjii̱n, ꞌbítsꞌoaá Néná ta̱ngatꞌanii̱ xota̱ tsjiee̱.

Ngatꞌa̱ ngayeje xota̱ xi A̱si̱énni̱xtjii̱n Néná bokoó ndi̱yà xí tjimá, kuí boá xi ndií Néná.

Ngatꞌa̱ xota̱ nga̱sondie xi májiín ꞌbíꞌniuú ni xi ndajín xi tsꞌén, ta̱kuítsí ni xi ndajiín xi tsꞌénkjó, ta̱nga xota̱ xi chji̱a̱ni A̱si̱énni̱xtjii̱n, ni xi tsi̱ꞌe̱ A̱si̱énni̱xtjii̱n xi tjíjinkon.

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Ti̱ kuíní A̱si̱énni̱xtjii̱n Néná xi nijan majo̱ a̱si̱énni̱xtjinná kó kuí boá xi tsóyà kixi̱ nga ñá boá xi ndií Néná. Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

Ngatꞌa̱ kjo̱a̱niꞌánkjoó xota̱ nga̱sondiee̱, kondraa̱ Néná tikón, ngatꞌa̱ mejénjiín ti̱nde ka̱májiín sa̱ꞌínkjatjosón kjo̱a̱kitii̱ Néná.

Ngatꞌa̱ ngayeje ni xi katsꞌénda Néná, achichí ni xi kjimaa̱ nga ndyi̱koya nga ko̱kó cha̱n cha̱n Néná nga ñá boá xi ndií.

Ngatꞌa̱ jè ya ñá nga ngayeje ni xi katsꞌénda Néná ndyi̱foaꞌatio kjo̱a̱ni̱ma̱ nga on kjimaa̱ ko̱jo nga xikó maá tsi̱ndi̱o̱o̱ ngo xota̱chjo̱on xí ndí stse̱én kjimaa̱.