Versets bíblics populars de Xota̱ Roma̱ 13

Comparteix

Ta̱sá chja̱ꞌángíi̱ Ndi̱a̱ná Jesukristoo̱ xikoó tsi kui xi ka̱ma ńjño xi xcha̱já, kó ngata̱ niꞌánkjatjosónjínjnú ni xi mejeén yojojnú nga si̱ꞌánjnú.

Ngata̱ ngojín xi tsjienjnú tsi̱ꞌe̱, ta̱sá ja̱kꞌi̱e̱ ja̱ngaján tjó ti̱ꞌánjnú xingi̱jnú, ngatꞌa̱ xota̱ xi tjoó xotaa̱, tjítsꞌénkjátjosón ni xi tsó ngayeje kjo̱a̱kitii̱.

Ngayeje xotaa̱ chjiéngá sku̱i̱e̱ndikón ngayeje xota̱ xi botixómaá, ngatꞌa̱ xá xí tjiín xota̱ xi botixómaá, Néná boá xí katsjaá, kó ngayeje xá xí tjiín, Néná boá xí íjñá.

Kuíni nga jè chi̱bo̱a̱a̱ nga ngiti̱ si̱ꞌanjé jàn, ngatꞌa̱ kjiꞌanga niꞌánjé xikónií tsi nínga jñoó mindyión, ni xi nda si̱ꞌán, xikoó tsi nínga tsijee̱n tindyión. Xín si̱ꞌankjaꞌá ngayeje nii̱ kjo̱a̱jñoó, kó kꞌuínda yojoná tsi̱ꞌe̱ nga ki̱a̱ ku̱i̱ṉtsomajin nínga tsijee̱n.

Xi tjoó xotaa̱, kuí boá xi jmí tsi ni xi ndajín ndyi̱tsꞌènjo̱ xkjín, kó kuíni nga kjo̱a̱tjoó boá xi tsꞌénkjátjosón ngayeje kjo̱a̱kitii̱.

Te̱ꞌéjnúu̱ ni xi tsoboaá nga ngo nga ngo xota̱ xi botixómaá: Xi foaꞌáchjí to̱n xi machjítjé ja̱kꞌi̱e̱ ja̱ngaján ni, tꞌíchjíjnúu̱, cha̱ndikónjnú xota̱ xi botixómaá, xikótsꞌèn tsoboaá nga xcha̱ndikón nga ngo nga ngo.