Versets bíblics populars de Xota̱ Roma̱ 11

Comparteix

Ngatꞌa̱ Néná boá xi katsꞌénda ngayeje nii̱, kó ngayeje nii̱ síndo ta̱ngatꞌanii̱ kui, kó kuí tsi̱ꞌe̱. Néná xí Na̱ꞌmii̱ kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.

Ngatꞌa̱, “ꞌyá xí kamákjiín kótsꞌèn tsꞌénkjó Néná. Axa̱, ꞌyá xí ka̱ma ka̱tso̱yaa̱ ni xi sa̱ꞌín Néná.

Kó kuíni nga kui ni̱xtjin xi̱ꞌbi̱, je síndo chiboa xota̱ xi katjoꞌójin ta̱ngatꞌanii̱ kjo̱a̱ndaa̱ Néná. Kó kjo̱a̱a̱ kjo̱a̱ndaa̱ Néná boá, jmí tsi kjo̱a̱a̱ ni xi katsꞌén, ngatꞌa̱ tsi kje̱ꞌe tsꞌén kjo̱a̱ndaa̱, ta̱ kjo̱a̱ndajín bo̱a̱. Kó tsi kjo̱a̱a̱ ni xi niꞌán, kjo̱a̱ndajín bo̱a̱, tsi kje̱ꞌe tsꞌén, ni xi niꞌaán, ni xi niꞌánjín bo̱a̱.

Xota̱ Israee̱l xikónií tsi tjiaa̱ yáꞌolibo̱ xi ikichaá, kó tsi ji xi xikoó ngo tjiaa̱ yáꞌolibo̱ ngindie kꞌijñá, kó tsi kui ngi̱ndie nínga kitii̱ yaá kanangindyioó xikoó ngo tjiaa̱ yá xí tjín ngi̱jin kꞌijñaá, kó tsi ngotꞌe̱ ꞌne̱, je ja̱ma̱a̱ yaá ndokjo̱e̱ni, kó nijan tindyin xikótsꞌèn tikón yáꞌoliboo̱. Ngata̱ jejín ꞌnaxié ngase ji yojòo̱ ta̱bo̱a̱jiín tjiaa̱ yá xí je kitii̱, tsi je ngase máa yojòo̱, ngatjaꞌátsjiee̱n nga jijín xi tiboeꞌée̱ nga tikón kui ja̱ma̱a̱, kuí ja̱ma̱a̱ xi tsꞌéntsjaá kjo̱a̱mindyion ji.