Versets bíblics populars de Ni xi akakoo̱ 21

Comparteix

Kó kuí boá xi sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n kui xotaa̱, kó ngiti̱ jmíjín xi ko̱yà ngase, ti̱nde ngiti̱ jmíjín xi skja̱ndá ngase, ti̱nde ngiti̱ jmíjín xi ni̱ma̱ ka̱tso̱ ngase, ti̱nde ngiti̱ jmíjín xi on ka̱ma ngasee̱, ngatꞌa̱ ni xi kisꞌie ngasꞌe̱ jè ngiti̱ jmíjín.

Kó kui xi botixómaá, bi̱ katsó: –Ngayeje nii̱ xi tjítsꞌen tja̱tsi̱e̱ an. Kó ti̱ bi̱ ti̱ katsóna nga: –Títꞌe xo̱jo̱n, ngatꞌa̱ ja̱koxi̱ boá kuí eén, kó ka̱ma si̱ꞌanꞌniátakón.

Kó tsintꞌie an ngo nda̱ xi ꞌniú askjandáyà xi kjindibáni nínga tikón xi botixómaá, xi bi̱ katsó: Kꞌi̱e̱ tikón kui ngi̱ndie ndikón nínga Néná tikónjo̱ xotaa̱, kó kuí ki̱a̱ kꞌuijñájo̱, kó kuí boá xi xota̱ na̱xi̱ńdaá ka̱ma, kó ti̱kuíní Néná xi kꞌuijñájo̱ nga xikoó nga kui xi Nee̱ ka̱ma.

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Kui xi sa̱ꞌiín, sa̱ko̱ó ngayeje kui nii̱, kó án xí ka̱ma an Nee̱, kó kuí xi ndína ka̱ma.

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱bo̱a̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.

Kó kamábe an ngo ndiꞌakꞌajmi xi tja̱tsi̱e̱, ko̱jo ngo nga̱sondie xi tja̱tsi̱e̱, ngatꞌa̱ ndiꞌakꞌajmi ko̱jo nga̱sondie xi tjoón je ngiti̱ jmíjín, kó ndáchíkoón je kichajá.

Kó kamábe an na̱xi̱ńdáꞌniú tsjiee̱, na̱xi̱ńdáꞌniú Jerusale̱n tja̱tsi̱e̱e̱, xi tsꞌénfotjajenni ndiꞌakꞌajmii̱ ngindyi̱ko̱n Néná, nga je tikónda nga kiniꞌánchoo̱n xikó maá ngo na̱ xi ku̱i̱xan nga je tikónda nga ku̱i̱xanjo̱ xi̱ꞌii̱n.

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n. Kó ngayeje xota̱ na̱xi̱ńdaá kꞌuitsómá nga sa̱ꞌíntsijee̱n ndiꞌí xí fotjoni kui na̱xi̱ńdáꞌniú jàn, kó ngayeje ree̱ tꞌanangii̱ kjo̱e̱ꞌéjoo̱ kjo̱a̱jee̱ kui na̱xi̱ńdaá.