Versets bíblics populars de Ni xi akakoo̱ 14

Comparteix

Kó tsintꞌie an ngo nda̱ xi kjindibáni ndiꞌakꞌajmii̱ xi bi̱ katsóna: –Títꞌe ji xo̱jo̱n kui nii̱: “Achichíra̱ tsjaa̱ kui xota̱ xi ko̱yà nga je katsꞌéngojo̱ yojoo̱ Ndi̱a̱ná ngayeje kui ni̱xtjin xi fií.” “Jo̱o̱n, tsó A̱si̱énni̱xtjii̱n, sa̱ꞌínkjaꞌyájo̱ kjo̱a̱ni̱ma̱ ko̱jo kjo̱a̱niꞌii̱n, ngatꞌa̱ Néná tsja̱á ngo chjí kjo̱a̱a̱ ni nda xi je katsꞌén.”

Kꞌi̱e̱ bí nínga xcha̱ kjo̱a̱chiyákoón xota̱ na̱xi̱ńdá tsjiee̱, kui xi tsꞌénkjátjosón kjo̱a̱botíxomaa̱ Néná, ko̱jo xi sꞌijii̱n Kjisoo̱.

kó bi̱ katsó nga ꞌniú tsíchji̱a̱: –Cha̱ndikónjnú Néná, kó te̱ꞌéjnúu̱ kjo̱a̱je, ngatꞌa̱ jè jachó oraa̱ nga kui xi ko̱tíjeé xota̱ nga̱sondiee̱, kó ti̱ꞌandikónjnú kui xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ndáńchꞌií.

Kó kui ndítsjie xi ma jaán jaskan kijítji̱ngii̱, kó achichí ꞌniú tsíchji̱a̱ nga bi̱ katsó: –Tsi tjín xi sa̱ꞌíndikón kuí cho̱ chꞌokjiꞌii̱ ko̱jo a̱sie̱én, kó tsi tsja̱ndiè nga sꞌi̱jñaa̱ chi̱bo̱a̱a̱ xtjien ko̱jo tsi tsja, Néná sa̱ꞌínxchán, kó ꞌniú sa̱ꞌínjeé, ngo kjo̱a̱ni̱ma̱ xi ꞌniú sa̱ꞌínkjaꞌa ngi̱jin ndiꞌí, ko̱jo ngi̱jin asufre̱ xi tjítí ngindyi̱ko̱n ndítsjiee̱ ko̱jo cho̱tsa̱nga̱a̱. Kó ṉdi̱i̱ kui kjo̱a̱ni̱ma̱ xi kjo̱a̱ꞌatio, ngatsjéni̱xtjin nga ko̱e̱je̱nijíngí. Kó sa̱ꞌínkjaꞌyájín nga ni̱xtjin ko̱jo nga ni̱xtji̱e̱n kui xi katsꞌéndikón kuí cho̱ chꞌokjiꞌii̱, ko̱jo a̱sie̱én, ko̱jo xi iskjíbé chi̱bo̱a̱a̱ jaꞌeén.

Kó kamábe an cho̱tsa̱nga̱a̱ nga sikónsón nga̱soón tji̱ngi̱ Sioo̱n xi tikón na̱xi̱ńdáꞌniú Jerusale̱n, kó ki̱a̱ síndojo̱ úchán ko̱jo yichán nijón mi̱ xota̱ xi síndoo̱ xtjien jaꞌeén cho̱tsa̱nga̱a̱, ko̱jo jaꞌeén Na̱ꞌmii̱.

Kó kamábe an ingo ndítsjie xi tsoꞌbátji̱e̱n ngamasiee̱n ndiꞌakꞌajmii̱, kó ngo éntjatsi̱e̱ xi májiín fe tsꞌényaꞌa, tsi̱ꞌe̱ nga ku̱i̱ꞌíni̱jmi̱ì ngayeje xota̱ xi síndo tꞌanangii̱, ko̱jo na̱xi̱ńdá, ko̱jo xtín xota̱, ko̱jo én, ko̱jo xota̱ na̱xi̱ńdá

Kó kijítji̱ngii̱ ingo ndítsjie xi bi̱ katsó: –¡Jè kiniꞌánkjatsón, jè kiniꞌánkjatsón na̱xi̱ńdá Babilonia̱, kui xi katsꞌénchꞌi̱ ngayeje xota̱ na̱xi̱ńdá nga katsjaá binoo̱ kjo̱a̱tondoo̱!