Versets bíblics populars de Xota̱ Filipo̱ 2

Comparteix

Ngata̱ ngojín nii̱ xi niꞌánjnú tsi kjo̱a̱a̱ nga ku̱i̱tjátjónjnú, ko̱jo tsi kjo̱a̱a̱ nga kjo̱a̱nkꞌatakón, ta̱sá ni̱ma̱kjo̱a̱ ngatamajnú xikoó tsi nkꞌa ngase tꞌíjñájnú xota̱ xi ngasee̱. Jmí tsi nganda tsa̱jún xi ku̱i̱ndyi̱séjnú, ta̱sá ngandaa̱ xota̱ xi ngasee̱ xi ti̱ndyi̱séjnú.

Xi kókón Kristo̱ Kjisoo̱, bo̱a̱ kon ngatamajnú.

Kó ndatsi Néná boá kui, ta̱nga jmí tsi iskjíbé tsján tsján kui nii̱. Ta̱sá ti̱ kui íjñátꞌaxín yojoo̱ nga Néná, kó moso̱ kamá, xikoó ngo xota̱ nga̱sondie kamá nga kisꞌijña, kó nga xota̱ kamá, ni̱ma̱kjo̱a̱ katsꞌén ti̱ kui yojoo̱, kó tsintꞌiéꞌeén Néná ngaskande nga kꞌien, nga kꞌientꞌa kroo̱.

Ngatꞌa̱ Néná boá xi tjítsꞌén nga ka̱mamejénjnú, ko̱jo nga si̱ꞌankjatjosónjnú ni xi ndyi̱niꞌánjnú, ta̱ngatꞌanii̱ ni nda xi mejeén kui.

Kó kuíni nga Néná katsjaá ngo kjo̱a̱je xi je, kó katsjaá ngo jaꞌén xí nkꞌa ta̱bo̱a̱jiín jaꞌén xí ngasee̱. Tsi̱ꞌe̱ nga kjiꞌanga ko̱nda̱ꞌyá jaꞌeén Kjisoo̱, ngayeje xi ko̱siéntikoó, ki̱a̱ ndiꞌakꞌajmii̱, ko̱jo tꞌanangii̱, ko̱jo ngindie tꞌanangii̱. Kó nga ngayeje xi bo̱a̱ ka̱tso̱ nga Jesukristoo̱ boá xi Ndi̱a̱ná. Bo̱a̱ tsꞌén nga sꞌi̱jña tsijen kjo̱a̱jee̱ Néná xí Na̱ꞌmii̱.

Ti̱ꞌánjnú ngayeje nii̱, kó nga ndokjo̱a̱taꞌínjínjnú xingi̱jnú, ti̱nde ngata̱ ndokjo̱a̱tijínjnú. Tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ndií Néná xi tsjie ka̱majnú jún ngi̱jii̱n kui xota̱ chꞌokon, ko̱jo xota̱ xi ndajín xi tjín ngotꞌe̱. Ngi̱jii̱n kui xotaa̱, jún xikónií ngo ńño ꞌna̱a̱ nga̱sondiee̱ kjimajnú

Kó kuíni, jún ndí ntsꞌie xi tjóna, xikótsꞌèn nga ndyi̱ndaꞌyáꞌénjnú ngatsjéni̱xtjin, kó nga jmí tsi ta̱ kjiꞌa tsí nga ki̱a̱ tikòn an, bo̱a̱ra̱ ti̱ꞌánjnú ngotꞌe̱ nga kjin tikòn an. Cha̱ndikónjnú Néná, kó ngatjatsiéjnú jún tji̱e̱nga si̱ꞌando̱jòjnú ni xi tjítsꞌén ngi̱jinjnú nga tsꞌénꞌboxiéꞌájnú.