Versets bíblics populars de Matioo̱ 5

Comparteix

Ti̱nde ka̱májín kꞌuití ngo ndiꞌíxò, tsi̱ꞌe̱ nga ngindiee̱ ngo kojo̱ kꞌuiyá, a mí tsí ta̱sá nínga ꞌbítíyá ndiꞌí xí tsꞌentsíjee̱n ꞌbíjñá, tsi̱ꞌe̱ nga sa̱ꞌíntsijee̱n ngayeje xota̱ xi tjín kuí ngi̱ya ndiꞌaa̱. Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Jún xí xikoó ndiꞌií nga̱sondiee̱. Ngo na̱xi̱ńdá xí tikón nga̱soón ngo tji̱ngi̱, ka̱májín kꞌuijñáꞌmá.

Achichíra̱ tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

Achichíra̱ tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Ta̱nga an, bi̱ tꞌíxiánjnúꞌun: Tjó ti̱ꞌánjnú xota̱ xi kondra̱jnú, ti̱ꞌanchikonñéjnú xota̱ xi chꞌo tjítsójnú, nda ti̱ꞌanjo̱jnú xota̱ xi chꞌoo̱ jún, ndókjo̱a̱tjéjnú xota̱ xi chꞌo tjítsꞌénjnú, ko̱jo xi ndyi̱mongatji̱ngijnú

–Achichíra̱ tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Achichíra̱ tsjaa̱ xota̱ xi ndyi̱mongase kjo̱a̱xioó nga̱sondiee̱, ngatꞌa̱ kuí xí ndií Néná kꞌuiín.

Achichíra̱ tsjaa̱ xota̱ xi ndyi̱kjandà, ngatꞌa̱ kuí xí sa̱ko̱ó kjo̱a̱niꞌándajon.

Achichíra̱ tsjaa̱ xota̱ xi tjimíyotji̱ngii̱ ta̱ngatꞌanii̱ nga ni xi kixi̱ ndyi̱tsꞌèn, ngatꞌa̱ kuí xí tsi̱ꞌe̱ nínga botíxomaa̱ Néná.

Achichíra̱ tsjaa̱ xota̱ xi ni̱ma̱ maa̱, ngatꞌa̱ kuí xí kjo̱chóꞌá kjo̱a̱ni̱ma̱takoón Néná.

Achichíra̱ tsjajnú jún kjiꞌanga xotaa̱ chꞌo ka̱tso̱jnú, ko̱jo nga sa̱ꞌín ꞌbokiejnú, ko̱jo nga ta̱ngatꞌanii̱ an ko̱ngatji̱ngijnú nga sa̱ꞌínkjién ngayeje to̱ko̱ya ni xi ndajín nga ku̱i̱ꞌíndiso. Tsjangatamajnú ko̱jo tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ ti̱ bo̱a̱ ti̱ tsꞌén ikiyotji̱ngii̱ jáchji̱ni̱e̱ꞌe̱én Néná xi tjón kisꞌińdo ngindiee̱ nga ku̱i̱ndyionjnú jún.

Achichíra̱ tsjaa̱ xota̱ xi ntꞌiéꞌén, ngatꞌa̱ kuí xí sa̱ko̱ó tꞌanangi xi katsó Néná nga tsja̱aná.

Jún boá xi xikoó na̱xa̱a̱ tꞌanangii̱. Ta̱nga tsi ngiti̱ ndiajín ka̱ma na̱xa̱a̱, kótsꞌèn ka̱mandia nginí. Jè ngiti̱ jmí ni chjíjiín, ta̱ tsi̱ꞌe̱ nga ku̱i̱chíjmi tsí ndi̱tsén jàn, tsi̱ꞌe̱ nga tsja̱nié xotaa̱.

Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Ta̱sá kjiꞌanga ko̱ndókjo̱a̱jnú jo̱o̱n tꞌínjnú tsi ngo ni xi bo̱a̱ kjiꞌi, kó jmí tꞌínjnú tsi ngo ni xi bo̱a̱jín kjiꞌi, ngatꞌa̱ ngayeje én xí sꞌi̱són ngasee̱, tsi̱ꞌe̱ xindajín boá.

Jún jè kandaꞌyájnú, nga bi̱ kiꞌmí: Tsi tjín xí kꞌo̱xié ngo ndyikin, ti̱ ꞌna̱xié ji ngo ndyi̱ko̱n xi bo̱a̱ katsꞌénjoo̱ nga, kó tsi tjín xí kꞌo̱je̱n ngo ńꞌni, ti̱ chꞌi̱ji̱n ji ngo tsi̱ꞌe̱ xi bo̱a̱ katsꞌénjoo̱ nga. Ta̱nga an, bi̱ xiánjnúꞌun: Ngata̱ jmí ni niꞌínje̱jín ji kui xota̱ xi ndajiín, ta̱sá ta̱ ꞌyání xi ko̱tꞌa tꞌanijin xi fojnií, ti̱ te̱ꞌée̱ nga ko̱tꞌa tꞌanijin xi skoón nga.

Kó kuíni nga, tsi ndyikin xi fojnií ko̱ngijeé, ꞌna̱xié ji, kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱, ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n. Kó tsi ndse̱ kixi̱ ko̱ngijeé, ti̱chétꞌe kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱ ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.