Versets bíblics populars de Matioo̱ 13

Comparteix

Ta̱nga kui xojmá xí ixó tꞌanangi xi ndaa̱, kuí xi̱ꞌbi̱ xi xikoó xota̱ xi ntꞌieé eén Néná, kó makjiín, kó kuí xí xikoó xojmá xí tsjá úchán, ichítié ko̱jo tie, ko̱jo kantié to nga ngo nga ngo.

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n tsꞌénxí eén Néná, kó kui nii̱ xi tsjandièjín nga boajaá to.

Kjiꞌanga ngo xi ntꞌié eén, kó makjínjiín xikótsꞌèn botixómá Néná, xikónií kui xojmá xi ixó tꞌa ndi̱ya̱à, ngatꞌa̱ ndibá xindajín, kó foaꞌáxiín ni xi je tjitjíe̱ nga̱són ini̱ma̱a̱.

Kui xojmá xi ixó tꞌanangi nínga tjín ndi̱jo̱o̱, kuí xí xikoó xota̱ xi ntꞌié eén Néná, kó ti̱ kjiꞌa achichí tsja maa̱, ta̱nga nga jmí ja̱ma̱jiín, kuíni nga ta̱ chiboa tsí ꞌbondíyaá, ngatꞌa̱ kjiꞌanga ta̱ngatꞌanii̱ eén Néná foaꞌatio ngo kjo̱a̱ni̱ma̱, ko̱jo tsi miyotji̱ngii̱, tji̱e̱nmá ꞌbijñámasien ni xi tsi̱ꞌe̱ Néná.

Nínga botíxomaa̱ Néná, xikónií ngo ti̱jìto̱n xi tikónꞌmá ngo ngindie kꞌijñá, kó ngo nda̱ sa̱ko̱ó, kó ti̱ ki̱a̱a̱ ku̱i̱ꞌíjñaꞌma nginí, kó achichí tsja tjiín sꞌe̱ fí ndiꞌaa̱, kó botiñá ngayeje ni xi tjiín, sꞌe̱ ꞌbotsie kui kꞌijñaá.

Ta̱nga ingo tjín kuí xojmaá xi ixó tꞌanangi xi ndaa̱, kó kisꞌiee̱ to, tjín xí katsjá kantié to, tjín xí katsjá ichítié ko̱jo tie, kó tjín xí katsjá úchán to nga ngo nga ngo.

Ta̱sá te̱ꞌéndièjnúu̱ nga nijan ngatamaxchá ngaskande nga je ka̱ma ko̱ꞌna̱je̱n to ndso̱ko̱a̱n ṉño̱paa̱n, kósꞌe̱ kjiꞌa bi̱ xiáa̱n já xí kꞌo̱je̱n: Tjón mára tꞌítikójnú xka̱ xi ndajiín, sꞌe̱ tꞌíꞌniújnú tsi̱ꞌe̱ nga kꞌuití, kó to ndso̱ko̱a̱n ṉño̱paa̱n ngi̱ya ndiꞌa nínga mindyia tindyiàjnú.