Versets bíblics populars de Xota̱ Ebreoo̱ 4

Comparteix

Ngatꞌa̱ eén Néná, tikón, kó tjínrií ngaꞌniú, kó kuí xí yojó ngase ta̱bo̱a̱jiín ngo ki̱cha̱ xi yojó nga jó ngoboaá, kó kui eén ꞌbosꞌien ngaskande nínga ꞌniú na̱nga̱a̱ ini̱ma̱a̱ ko̱jo a̱si̱énni̱xtjii̱n, ko̱jo nínga tjíkjoo̱ ńdaa̱, ko̱jo ngi̱jii̱n ńdaa̱, kó kuí boá xi kotꞌa kjo̱a̱kjíntakoón, ko̱jo ni xi mejeén sa̱ꞌín ngo ini̱ma̱.

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱, kjiꞌá má nga ka̱machjiénná kuí.

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.

Kó jmíjín ngo ni xi Néná katsꞌénda xi ka̱maꞌmaa̱ yojoo̱ ngindyi̱ko̱n Kui, ta̱sá ngayeje nii̱ xi síndo tsijen, ko̱jo ya cha̱n cha̱n ngindyi̱ko̱n kui Néná, kui xi chjiéngá si̱ꞌankꞌasꞌiée̱n xki̱i̱.

Kuíni nga ꞌniú ku̱i̱ndyión nga kongíntji̱ngí kui kjo̱a̱sꞌijin xi timatji̱ngí, ngatꞌa̱ tikónna ngo chináꞌmi xi ꞌniú nkꞌa xaá xi jaꞌatjoón ndiꞌakꞌajmii̱, kó kuí boá xi Kjisoo̱, ndií Néná.

Ja̱ kuíni nga chjiéngá si̱ꞌán ngo kjo̱a̱ꞌniú, tsi̱ꞌe̱ nga ku̱i̱tjásꞌi̱e̱n kui ngi̱ndie nínga niꞌánkjaꞌyaá, tsi̱ꞌe̱ nga ngojín xi ko̱e̱je̱tji̱ngi kui chi̱bo̱a̱ xi íjñá kui xota̱ xi tsintꞌiéꞌénjiín.