Versets bíblics populars de Xota̱ Ebreoo̱ 12

Comparteix

Achichí má xota̱ xi síndo nga ngo foaꞌatjiyajonná, xí chistiko̱ nga bokóná xikótsꞌèn kisꞌijii̱n Néná, kuíni nga ñá, xín kꞌuijñá ni xi tsꞌenníꞌínná ko̱jo kui jé xí mejeén kꞌo̱jmingíná, kó si̱ꞌanngaꞌniú nga kjuínrá nínga ndyi̱mongín. Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱, ki̱a̱ tikón nga fojnií Néná xí botixómaá.

Ja̱koxi̱ boá nga nde ngojín kjo̱a̱chji̱ni̱e̱ xi boeꞌéná xi tsja máná, ta̱sá on tsꞌénná, ta̱nga tsi ko̱nda̱ꞌyáꞌén nga si̱ꞌankjatjosón, jaskan kji̱ndi̱bájo̱ná kjo̱a̱kixi̱ ko̱jo kjo̱a̱xió.

Ti̱ndyi̱séjnú nga kꞌuiéjnú kjo̱a̱xió ngayejejnú, kó tsjietsꞌén ti̱ndyiónjnú ngindyi̱ko̱n Néná. Ngatꞌa̱ xi tsjiejín síndo ngindyi̱ko̱n Néná, sku̱i̱e̱jín Ndi̱a̱ná.

Tsitsíjen chi̱bo̱a̱yajnúu̱ Kjisoo̱, kui xi achichí kjo̱a̱ni̱ma̱ jaꞌatio nga xota̱jeé kondra̱ kisꞌińdoo̱ kui, tsi̱ꞌe̱ nga jún ꞌniú ku̱i̱ndyiajnú, kó ngata̱ niꞌánkjiejínjnúkjo̱a̱.

Kó kuíni nga, ngije Néná katsjáná ngo ngi̱ndie xi botíxoma xi májiín matíyaá, ko̱e̱ꞌée̱ ndokꞌóchjì kjo̱a̱a̱ kui nii̱, kó bo̱a̱ tsꞌén si̱ꞌansée̱n, nga tsjangatamaa̱ kui nga ꞌniú ndikóntsꞌèn si̱ꞌantsjàa̱

Tsi si̱ꞌanchíkjo̱a̱jnú kui kjo̱a̱niꞌánchji̱ni̱e̱e̱, Néná xikónií ngo ndí xí tsi̱ꞌe̱ tjítsꞌénjo̱jnú, ngatꞌa̱ ꞌyá na̱ꞌmii̱ bo̱a̱ xi sa̱ꞌínchji̱ni̱e̱jín ndií.

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.

Xi xcháná, ta̱ ngotjón tsí nga katsꞌénchji̱ni̱e̱ná xikótsꞌèn kamákjiín kui, ta̱nga Néná tsꞌénchji̱ni̱e̱ná kjo̱a̱nda tsa̱ñá, tsi̱ꞌe̱ nga xota̱ tsjie kamá ñá xikoó Kui.

Jún ndyi̱bixkánjo̱jnú jeé, ta̱nga kji̱e̱ ngo xi sakoó kjo̱a̱bo̱yaa̱ nga bo̱a̱ tjítsꞌén.