Versets bíblics populars de Xota̱ Éfeso̱ 5

Comparteix

Chja̱ꞌángíjnúu̱ Néná, ngatꞌa̱ jún boá xi ndí tjoó kui. Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Tsitsíjen cha̱n cha̱njnúu̱ kótsꞌèn tińtja̱jnú, jmí tsi ku̱i̱ndyionjnú xikoó xota̱ xi makjínjiín ni xi tsi̱ꞌe̱ Néná, ta̱sá ti̱ndyiónjnú xikoó xota̱ xi kjínkón. Ni xi nda ti̱ꞌánjnú ta̱ xikótsꞌèn sa̱kóndièjnú nga si̱ꞌánjnú, ngatꞌa̱ ja̱ jè yàjnú nga chꞌo kjima kui ni̱xtjin xi̱ꞌbi̱.

Ngata̱ niꞌánchꞌi̱jínjnú yojojnú, ngatꞌa̱ xaán xí tsꞌén nga niꞌán ta̱jmì niní, ta̱sá ngasꞌikitsienijnú A̱si̱énni̱xtjii̱n Néná, nga ko̱ndókjo̱a̱jojnú xingi̱jnú ti̱ꞌankjiénjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n, kó ndaàjnú, ko̱jo ti̱ꞌantsjàjnúu̱ Ndi̱a̱ná ngayejee̱ ini̱ma̱jnú. Ngatsjéni̱xtjin te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, kui Néná xí Na̱ꞌmii̱, nga si̱ꞌankjiénjnú jaꞌeén Ndi̱a̱ná Jesukristoo̱.

Ta̱ngatꞌanii̱ kui nii̱ nga ngata̱ chi̱nijín niꞌánjnú yojojnú, ta̱sá ngatamakjínjnú mí ni xi mejeén Ndi̱a̱ná nga si̱ꞌánjnú.

Jún xi já xi̱ꞌinjnú, ti̱ꞌantjójnú chjo̱ónjnú xikótsꞌèn Kristoo̱ katsꞌéntjó xota̱ na̱ngo̱xi̱i̱, kó ta̱ngatꞌanii̱ kui nga katsjá yojoo̱

Ngatꞌa̱ kje̱ꞌe ni̱xtjin kixindyionjñójnú, ta̱nga ngotꞌe̱ ꞌne̱, ngije yàjnú Ndi̱a̱ná, jè nínga tsijen tindyiónjnú, kuíni nga ti̱ńtja̱jnú xikoó xota̱ xi tjimá nínga tsijee̱n.

Ja̱kꞌi̱e̱ ja̱ngaján cha̱ndikónjnú xingi̱jnú, xikótsꞌèn yandikónjnú Kristoo̱.

Jún xi ínchjínjnú, cha̱ndikónjnú xi̱ꞌinjnú, xikótsꞌèn yandikónjnú Ndi̱a̱ná.

Kuíni nga jún, nga ngo nga ngojnú tjó ti̱ꞌánjnú chjo̱ónjnú, xikótsꞌèn tjójnú yojojnú, kó kui xi chjo̱ón ngatamabendikón xi̱ꞌii̱n.

“Ta̱ngatꞌanii̱ kui nii̱ nga nda̱ xi xi̱ꞌii̱n ku̱i̱ꞌíjñá na̱ꞌmii̱ ko̱jo na̱aa̱n, tsi̱ꞌe̱ nga sa̱ꞌíngojo̱ yojoo̱ chjo̱ón, kó nga joó nga ta̱ ngo tsí yojo ka̱ma.”

Kó ngata̱ ki̱a̱jín niꞌánkamajo̱jnú kui xota̱ xi ndyi̱tsꞌèn ni xi jmí ni chjíjiín xi tjimá nínga jñoó, ta̱sá takójnúu̱ nga ndajínkjiꞌi ni xi ndyi̱tsꞌèn.