Versets bíblics populars de Eklesiastee̱ 8

Comparteix

Kuíni nga an ta̱sá tsjá kamána kjo̱a̱a̱ kjo̱a̱tsjaa̱, ngatꞌa̱ ni xi nda ngase xi ka̱ma sa̱ꞌín xota̱ nga̱sondiee̱, kuí boá nga skji̱ni̱e̱, nga kꞌuí, ko̱jo nga tsja tsꞌén kꞌuijñá, ngatꞌa̱ ta̱kuítsí kui nii̱ xi tsijeén kjo̱a̱a̱ xá xí katsꞌén ni̱xtjin xi katsjaá Néná nga kisꞌijña kui nga̱sondiee̱.

Ndatsi xota̱jeé úchán ndi̱yà sa̱ꞌín ni xi ndajín, kó ndatsi tsie ka̱maa̱ nga kꞌuíndo nga̱sondie, ta̱nga jè be an nga nda ko̱e̱je̱e̱ xota̱ xi bendikón ko̱jo xi tsꞌéndíkón Néná

Nga ja̱koxi̱, ngayeje nii̱ xi ni̱xtjin tjiín, kó ngo chi̱bo̱a̱ tjiín nga ma ni xi ma, kó xota̱ nga̱sondiee̱ achichí kjo̱a̱xti tsangijin yojoo̱

Jmíjín ngo xota̱ nga̱sondie xi ka̱maa̱ ko̱tíxomaa̱ a̱si̱énni̱xtjii̱n, ko̱jo tsi ku̱i̱ꞌíjñaꞌniú, ti̱nde jmíjín xi ka̱maa̱ ko̱tíxomaa̱ ni̱xtjin nga kji̱ndi̱bá kjo̱a̱bo̱yaa̱ nga. Jmíjín xi kjo̱tjongii̱ yojoo̱ kjo̱a̱a̱ kui kjo̱a̱xcha̱án. Ti̱nde ni xi ꞌniú ndajiín ka̱májiín kꞌo̱xiéꞌá xota̱ xi xi tsꞌén ni xi ꞌniú ndajiín.

Kó kjiꞌanga tsájín niꞌánjeé xota̱ xi ndajín katsꞌeén, xota̱ xi ngasee̱ tsꞌénkjó nga ka̱ma sa̱ꞌín ni xi ndajiín kui nga.

Tjín ingo ni xi ta̱kjo̱a̱ndaní bo̱a̱ xi niꞌán kui nga̱sondiee̱ xikoó nga: Xota̱ xi kixi̱i̱, bo̱a̱ niꞌánjo̱ xikoó xota̱ xi ꞌniú ndajiín, kó ti̱ tjín xota̱ xi ꞌniú ndajiín, xi bo̱a̱ niꞌánjo̱ xikoó xota̱ xi kixi̱i̱. ¡Kó kui nii̱ ti̱ ta̱kjo̱a̱ndaní bo̱a̱ xian an nga!

ngatꞌa̱ nde bejín mí ni xi ka̱ma jaskan, kó ngije ka̱ma kui nii̱, ꞌyá xí ka̱tso̱yaa̱ mí nii̱ bo̱a̱.